فوتو: Depositphotos.com
ءمينيستردىڭ ايتۋىنشا, شەشىم قابىلداۋدا جوبالىق مەنەدجمەنت ءتاسىلى قولدانىلادى. بەلگىلى ءبىر ماسەلەلەر بويىنشا قاراۋ مەرزىمى 2-10 كۇن بولىپ بەلگىلەنگەن. ەگەر وسى ۋاقىت ىشىندە ناقتى جاۋاپ بەرىلمەسە, وندا ماسەلە جۇيەلى سيپاتقا يە دەپ تانىلىپ, سالىق كودەكسىنە وزگەرىستەر ەنگىزۋ جونىندەگى جۇمىس توبىنىڭ تالقىلاۋىنا جولدانادى.
«قابىلدانعان شەشىمدەر كوپ. وزگەرىستەردى بيىلعى جىلدىڭ سوڭىندا كورۋىمىز مۇمكىن, ال كۇشىنە ەنۋى كەلەسى جىلعا سايكەس كەلۋى ىقتيمال», دەدى سەرىك جۇمانعارين.
ونىڭ سوزىنشە, بۇعان دەيىن بيۋدجەت كودەكسى مەن سالىق كودەكسى اراسىندا كەيبىر سايكەسسىزدىكتەر بولعان. الايدا ناقتى قانداي تۇزەتۋلەر جونىندە ءسوز بولىپ وتىرعانىن مينيستر تارقاتىپ ايتپادى.
بۇعان دەيىن قاسىم-جومارت توقاەۆ ۇلتتىق قۇرىلتاي وتىرىسىندا جاڭا سالىق كودەكسىن جەتىلدىرۋگە مۇمكىندىك بار ەكەنىن اتاپ وتكەن ەدى.
تالقىلانىپ جاتقان وزگەرىستەردىڭ قاتارىندا جاۋاپكەرشىلىگى شەكتەۋلى سەرىكتەستىكتەر مەن ءوزىن-ءوزى جۇمىسپەن قامتىعان ازاماتتاردىڭ ءوزارا ءىس-قيمىلىن رەتتەۋ ماسەلەسى بار. ساراپشىلار بۇعان دەيىن ءارتۇرلى اۋقىمداعى بيزنەس قۇرىلىمدار اراسىنداعى بايلانىستا تۇيتكىلدەر كەزدەسەتىنىن ايتقان بولاتىن.
سالىق كودەكسىن ەنگىزۋ جونىندەگى جوبالىق كەڭسە تاراپىنان بيزنەس ماسەلەسى اپتا سايىن قارالادى
