فوتو: Reuters
Iran International باسىلىمىنىڭ حابارلاۋىنشا, ساراپشىلار اسسامبلەياسى يراننىڭ بۇرىنعى جوعارعى كوشباسشىسى ءالي حامەنەيءدىڭ ۇلى مودجتابا حامەنەيدى ەلدىڭ كەلەسى رۋحاني ءارى ساياسي جەتەكشىسى ەتىپ تاڭداعان. اتالعان ورگان يران كونستيتۋتسياسىنا سايكەس جوعارعى كوشباسشىنى سايلاۋعا جاۋاپتى.
وپپوزيتسيالىق اقپارات قۇرالدارىنىڭ جازۋىنشا, داۋىس بەرۋ قارساڭىندا اسسامبلەيا مۇشەلەرىنە يسلام رەۆوليۋتسياسى ساقشىلار كورپۋسى تاراپىنان قىسىم جاسالعان. قۋاتتى اسكەري قۇرىلىم ەلدە ساياسي تۇراقسىزدىق تۋىنداماۋى ءۇشىن مۇراگەردى جەدەل انىقتاۋدى تالاپ ەتكەن.
يران نەگە امەريكالىق جانە يزرايلدىك ۇشاقتاردى اتىپ تۇسىرە المايدى؟
مودجتابا حامەنەي 1969 جىلى مەشحەد قالاسىندا دۇنيەگە كەلگەن. ول اياتوللا ءالي حامەنەيدىڭ ەكىنشى ۇلى. ءدىني ءبىلىمدى اكەسىنەن جانە وزگە دە ىقپالدى ۇستازداردان الىپ, ءدىن قىزمەتكەرى اتانعان. قۇم قالاسىنداعى ءدىني سەميناريادا تەولوگيا پانىنەن ءدارىس وقىعان.
يران اياتوللا حامەنەيدىڭ قازاسىن راستادى: ەلدە 40 كۇندىك ازا تۇتۋ جاريالاندى
