«جاڭا كونستيتۋتسيا جوباسىنا بايلانىستى رەسپۋبليكالىق رەفەرەندۋم – پرەزيدەنتىمىز قاسىم-جومارت كەمەل ۇلى توقاەۆتىڭ ەلدى اۋقىمدى ءارى جۇيەلى جاڭعىرتۋ باعدارىن ىسكە اسىرۋ جولىنداعى تاريحي كەزەڭ. ەلىمىزدىڭ بولاشاعىنا قاتىستى ماڭىزدى شەشىمدەردى ازاماتتاردىڭ تاڭداۋىنا سۇيەنە وتىرىپ قابىلداۋ دەموكراتيا قاعيداتتارىنا ادالدىقتىڭ ايقىن كورىنىسى ەكەنى انىق. كونستيتۋتسيالىق رەفورمانىڭ باسىم مىندەتى – تاۋەلسىزدىكتى نىعايتۋ جانە ازاماتتاردىڭ ءال-اۋقاتىن ارتتىرۋ. وسىعان بايلانىستى جاڭا كونستيتۋتسيا جوباسىندا زاڭ ۇستەمدىگى مەن قۇقىقتىق ءتارتىپتى كۇشەيتۋگە, ازاماتتاردىڭ قۇقىقتارى مەن مۇددەلەرىن قورعاۋعا, سونداي-اق, ەلدىڭ ورنىقتى دامۋىنا باسىمدىق بەرىلگەن», دەدى ماۋلەن اشىمباەۆ.
ول سونداي-اق دامۋدىڭ نەگىزگى باعدارى – ادام كاپيتالىن جەتىلدىرۋ, مەملەكەتتىلىكتى, تاۋەلسىزدىك پەن ەگەمەندىكتى نىعايتۋ, سونداي-اق, ىشكى ساياسي تۇراقتىلىق پەن قوعامدىق كەلىسىمدى ساقتاۋ كونستيتۋتسيا جوباسىندا ناقتى بەلگىلەنگەنىن تىلگە تيەك ەتتى.
ولجاس بەكتەنوۆ: جاڭا كونستيتۋتسيا – بولاشاقتىڭ ستراتەگيالىق تاڭداۋى
«جاڭا كونستيتۋتسيانىڭ باستى ەرەكشەلىگى ونىڭ ادامعا باعدارلانۋى ەكەنىن ايرىقشا اتاپ وتكەن ءجون. ازاماتتاردىڭ قۇقىقتارى مەن مۇددەلەرىنە نازار اۋدارۋ مەملەكەتتىك ساياساتتىڭ وزەگىنە اينالىپ وتىر. اتا زاڭ جوباسىندا ادام قۇقىقتارى دەكلاراتيۆتى ەرەجە ەمەس, ماڭىزدى قاعيداتتار جانە ناقتى مىندەتتەر رەتىندە قاراستىرىلعان. بۇل – ساپالى بىلىمگە قولجەتىمدىلىك, ءتيىمدى دەنساۋلىق ساقتاۋ جۇيەسى, الەۋمەتتىك قورعاۋ جانە ءار ازاماتتىڭ ءوز الەۋەتىن ىسكە اسىرۋىنا مۇمكىندىك بەرۋ سەكىلدى باعىتتاردى قامتيدى. وسى قاعيداتتاردى جۇزەگە اسىرۋ بارلىق ينستيتۋتتاردىڭ – قۇرىلتايدىڭ, ۇكىمەتتىڭ, اكىمدىكتەر مەن ءماسليحاتتاردىڭ, سونداي-اق, ازاماتتىق قوعام وكىلدەرىنىڭ بىرلەسكەن كۇش-جىگەرىن تالاپ ەتەدى. مۇنداي قادامدار – ەل يگىلىگى جولىنداعى ورتاق جاۋاپكەرشىلىكتىڭ جارقىن كورىنىسى ەكەنى انىق», دەدى پالاتا توراعاسى.
ماۋلەن اشىمباەۆ سونداي-اق وڭىردەگى كاسىپورىن جۇمىسشىلارىمەن جانە شارۋالارمەن كەزدەستى. «حيلنيچەنكو جانە ك» شارۋا قوجالىعىنداعى تالقىلاۋدىڭ كۇن تارتىبىندە – ينكليۋزيا, ەتنوسارالىق كەلىسىم جانە ازىق-ت ۇلىك قاۋىپسىزدىگى جونىندەگى وزەكتى ماسەلەلەر قامتىلدى.
ايدا بالاەۆا: پرەزيدەنت – جاڭا كونستيتۋتسيانىڭ نەگىزگى اۆتورى
پارلامەنت دەپۋتاتتارى «اسار» سپورتتىق-وڭالتۋ كەشەنىنىڭ ينفراقۇرىلىمىمەن جانە «ASMA Industrial ltd» ونەركاسىپ اككۋمۋلياتورلارىن شىعاراتىن زاۋىتتىڭ قىزمەتىمەن تانىستى.
كواليتسيا مۇشەلەرى اتىراۋ وبلىسىنىڭ ستۋدەنتتەرىمەن جاڭا كونستيتۋتسيا جوباسىن تالقىلادى
