وبلىس قۇرىلعاننان بەرى وبلىستىق بيۋدجەتتەن قالا بيۋدجەتىنە بولىنەتىن دامۋ ترانسفەرتتەرى 6,5 ەسەگە ارتىپ, 5,7 ملرد تەڭگەگە, رەسپۋبليكالىق دەڭگەيدەن 1,7 ەسەگە ءوسىپ 9,6 ملرد تەڭگەگە دەيىن جەتكىزىلدى. بۇل قارجى قالانىڭ ينفراقۇرىلىمىن جاڭعىرتۋعا جانە ماڭىزدى الەۋمەتتىك-ەكونوميكالىق جوبالاردى ىسكە اسىرۋعا باعىتتالدى.
ينۆەستيتسيا − ءوڭىر ەكونوميكاسىنىڭ تۇراقتى جانە ساپالى ءوسۋىنىڭ نەگىزگى قوزعاۋشى كۇشى. ۇلىتاۋ وبلىسىنىڭ ەكونوميكاسىنا 207,3 ملرد تەڭگە ينۆەستيتسيا تارتىلدى. ونىڭ 68 ملرد تەڭگەسى جەزقازعان قالاسىنا تيەسىلى. وسىلايشا, قالانىڭ وبلىس كولەمىندەگى ينۆەستيتسيالىق ۇلەسى 32,8 پايىزدى قۇرادى. ءوڭىر ەكونوميكاسىن ءارتاراپتاندىرۋ اياسىندا جالپى قۇنى 34 ملرد تەڭگە بولاتىن توعىز ينۆەستيتسيالىق جوبا ىسكە قوسىلسا, سونىڭ بەسەۋى جەزقازعان قالاسىندا جۇزەگە اسىرىلدى.
قازىرگى تاڭدا جەزقازعان قالاسىندا مۇناي بازاسى, جەل ەلەكتر ستانتسياسى, رەسپيراتور شىعاراتىن زاۋىت, گەولوگيالىق كلاستەر مەن قوناق ءۇي كەشەنىنىڭ قۇرىلىسى اياقتالدى. سونىمەن قاتار اسفالتبەتون زاۋىتىن سالۋ جوباسى ىسكە اسىرىلىپ جاتىر.
الداعى كەزەڭگە دە اۋقىمدى جوسپارلار بار. 2028 جىلعا دەيىن جالپى قۇنى 920 ملرد تەڭگەنى قۇرايتىن 25 ينۆەستيتسيالىق جوبانى ىسكە اسىرۋ كوزدەلىپ وتىر. جەزقازعان قالاسى بويىنشا 174,7 ملرد تەڭگە, 11 ينۆەستيتسيالىق جوبا بار. بۇل جوبالار ەكى مىڭنان استام جاڭا جۇمىس ورنىن اشۋعا مۇمكىندىك بەرەدى.
ءوڭىردى ءوز ونىمدەرىمەن قامتاماسىز ەتۋ ماقساتىندا جەزقازعاندا جۇمىرتقا باعىتىنداعى قۇس فابريكاسى ىسكە قوسىلدى. قازىرگى تاڭدا جالپى قۇنى 3,4 ملرد تەڭگەنى قۇرايتىن بەس جوبا قولعا الىنعان. جوبالار قاتارىندا جەزقازعاندا 5 مىڭ باستى قامتيتىن قوي شارۋاشىلىعى, 10 مىڭ تونناعا دەيىن كوكونىس ساقتاۋ قويماسى, سونداي-اق 500 گەكتار القاپتا مال ازىعىن سۋارۋ تەحنولوگياسىمەن ەگۋ باستامالارى بار.
جەزقازعان قالاسىنداعى ەمحانا, مەدكوللەدج, وبلىستىق كوپبەيىندى اۋرۋحانادا جوندەۋ جۇمىستارى ءجۇرىپ جاتىر. جوسپار بويىنشا, وبلىستىق كوپبەيىندى اۋرۋحاناعا 100 توسەكتىك جاڭا كورپۋس جانە جەزقازعان قالاسىندا باتىس اۋداندا دەمەۋشىلىك قاراجاتقا (7 ملرد تەڭگە) ەمحانا سالىنادى.
جىلۋمەن قامتاماسىز ەتۋ باعىتىندا وتكەن جىلى وبلىستا 47,8 شاقىرىم جىلۋ جەلىلەرى جوندەلسە, سونىڭ 17,75 شاقىرىمى جەزقازعانعا تيەسىلى (اعىمداعى جوندەۋ). 2024-2025 جىلدارى «جەزقازعان قالاسىنىڭ جىلۋ جەلىلەرىن قايتا جاڭعىرتۋ جانە مودەرنيزاتسيالاۋ» جوباسىنىڭ ەكىنشى جانە ءۇشىنشى كەزەڭدەرى تولىق اياقتالدى.
ناتيجەسىندە №3, 9 جانە 11 جىلۋ ماگيسترالدەرى جاڭعىرتىلىپ, جالپى ۇزىندىعى 28,6 شاقىرىم جىلۋ جەلىلەرى پايدالانۋعا بەرىلدى. ەلەكتر جەلىلەرىن جاڭعىرتۋ بارىسىندا جەزقازعاندا 703 شاقىرىم جەلى مەن 169 قوسالقى ستانتسيا جوندەلدى.
جەزقازعان قالاسىن گازداندىرۋ جوباسى جالپى ۇزىندىعى 199,8 كم بولاتىن ءۇش كەزەڭنەن (جەتى ىسكە قوسۋ كەشەنىنەن) تۇرادى. جوبانىڭ ءبىرىنشى جانە ەكىنشى كەزەڭدەرى ياعني بەس ىسكە قوسۋ كەشەنى تولىق اياقتالىپ, 154,4 شاقىرىم گاز جەلىسى پايدالانۋعا بەرىلدى. 2026 جىلى تاعى 34 شاقىرىم گاز جەلىسىنىڭ قۇرىلىسىن اياقتاۋ كوزدەلگەن. بۇگىنگى كۇنى شامامەن ەكى مىڭ تۇرعىن ءۇي گاز وتىنىن پايدالانىپ وتىر. 2025 جىلى قالا ماڭىنداعى كەڭگىر اۋىلىنا جالپى ۇزىندىعى 25,2 شاقىرىم گاز جەلىسى تارتىلىپ, ەسقۇلا جەراستى سۋ قويماسىنان تازا اۋىز سۋ جەتكىزىلدى.
حالىقتى ساپالى اۋىز سۋمەن قامتاماسىز ەتۋگە باعىتتالعان ءۇيتاس – ايدوس سۋ الۋ قۇرىلىمدارىن قايتا قۇرۋ جوباسىنىڭ ءى كەزەڭى ىسكە قوسىلىپ, ناتيجەسىندە اۋىز سۋدىڭ 30 پايىزى جەر استى كوزدەرىنەن قامتاماسىز ەتىلىپ جاتىر. وتكەن جىلى جوبانىڭ ءىى كەزەڭى باستالىپ, قۇرىلىس-مونتاجداۋ جۇمىستارى جۇرگىزىلدى. 2026 جىلى جوبانىڭ ءىىى كەزەڭى اياسىندا ءۇيتاس كەن ورنىنداعى ۇڭعىمالار مەن كوللەكتورلاردى رەكونسترۋكتسيالاۋ كوزدەلگەن.
جەزقازعان قالاسىندا سۋ بۇرۋ (كارىز) جۇيەلەرىن جاڭعىرتۋ جۇمىستارى جۇرگىزىلىپ جاتىر. وتكەن جىلى 5-شاعىن اۋداندا جەتى شاقىرىم كارىز جەلىسىن قايتا جاڭارتۋ باستالىپ, قازىرگى تاڭدا بەس جارىم شاقىرىم قۇبىر مەن 236 قۇدىق ورناتىلدى. بيىل جوبانى اياقتاۋدى جوسپارلاپ وتىر.
2026 – 2027 جىلدارى جالپى قۇنى 16,1 ملرد تەڭگە بولاتىن كارىز تازارتۋ قۇرىلىستارىن (كوس) قايتا جاڭارتۋ كوزدەلگەن. سونىمەن قاتار, 20 كارىز جەلىسىن رەكونسترۋكتسيالاۋ جانە جاڭا سورعى ستانتسيالارىن سالۋ جوسپاردا بار.
«كولىك جانە ينجەنەرلىك ينفراقۇرىلىمدى دامىتۋدىڭ ماڭىزى زور. 2025 جىلى قالانىڭ 11 كوشەسىندە 15,7 شاقىرىم اۆتوموبيل جولدارى ورتاشا جوندەۋدەن ءوتتى. 2026 جىلى ۇزىندىعى 4,8 شاقىرىم بولاتىن 13 كوشەنىڭ اۆتوموبيل جولدارىن جانە ۇزىندىعى 668 مەتر بولاتىن 16+22,5 تەمىر جول كوپىرىن ورتاشا جوندەۋ بويىنشا جوسپار بەكىتىلدى. سمەتالىق قۇنى 1,4 ملرد تەڭگە كولەمىندە. سونىمەن قاتار قالاداعى 12 ورامنىڭ 99,8 مىڭ شارشى مەتر ورامىشىلىك جولدارىنا جوندەۋ جوسپارلانىپ وتىر. الاشاحان داڭعىلى, باتىس اينالما جولى جانە سەيفۋللين كوشەلەرىن ءتورت جولاقتى 14 مەترگە دەيىن كەڭەيتە وتىرىپ, رەكونسترۋكتسيالاۋ جوسپارلانعان. گاگارين مەن ەسەنبەرلين كوشەلەرىندە جانە №1 ورامداعى كوپقاباتتى تۇرعىن ۇيلەردىڭ قاسبەتتەرىن جوندەۋ جۇمىستارى قولعا الىنادى. قۇنى 3,4 ملرد تەڭگەنى قۇرايدى», دەيدى جەزقازعان قالاسى اكىمىنىڭ ورىنباسارى ەربول قۇسايىنوۆ.
جولاۋشىلار تاسىمالىن 42 اۆتوبۋس قامتاماسىز ەتەدى. سوڭعى جىلدارى 25 اۆتوبۋس جاڭارتىلدى. وبلىس ورتالىعىنان استانا, الماتى, قاراعاندى جانە شىمكەنت قالالارىنا تۇراقتى اۋە قاتىناسى بار.
«تازا قازاقستان» اكتسياسى اياسىندا جەزقازعان قالاسىندا – 16 596 كوشەت وتىرعىزىلدى. بيىل «پەتروقازاقستان قۇمكول رەسورسيز» 100-دەي جاسىل جەلەك وتىرعىزۋدى جوسپارلاپ وتىر.
قالا كەلبەتى جاڭارىپ كەلەدى. وتكەن جىلى جەزقازعان قالاسى ءۇشىن اباتتاندىرۋ جانە كوگالداندىرۋ جىلى بولدى. مومىش ۇلى كوشەسىندەگى ساياباق, الاشاحان داڭعىلى بويىنداعى جاياۋ جۇرگىنشىلەر ايماعى اباتتاندىرىلدى. قالادا 31 جاڭا بالالار ويىن الاڭى ورناتىلىپ, 8 الاڭ قالپىنا كەلتىرىلدى. سونىمەن قاتار, 100 قوقىس كونتەينەر الاڭى اباتتاندىرىلىپ, 400 كونتەينەر اۋىستىرىلدى. اۋلاىشىلىك جارىقتاندىرۋدى جاقسارتۋ ماقساتىندا 105 كوشە شامى مەن جارىقتاندىرۋ تىرەكتەرى ورناتىلدى. «قازاقمىس» كورپوراتسياسىنىڭ قولداۋىمەن 40 كوپقاباتتى تۇرعىن ءۇيدىڭ قاسبەتى جاڭارتىلدى.
بيىل كەڭگىر سۋ قويماسى جاعالاۋىن اباتتاندىرۋ باستالادى, اۋقىمدى جوبانىڭ قۇنى 8,9 ملرد تەڭگە, ىسكە اسىرۋ مەرزىمى 2026-2028 جىلدار.
جەزقازعاندا 16 ءۇي سالىنىپ جاتىر. سونىڭ التى ءۇيى پايدالانۋعا بەرىلىپ, شامامەن 500 وتباسى باسپانامەن قامتاماسىز ەتىلدى.
«UlytauZhastary» باعدارلاماسى بويىنشا جىل سايىن 500 ملن تەڭگە ءبولىنىپ, 45 جاس ازامات پاتەر ساتىپ الۋعا مۇمكىندىك الادى. قالانىڭ دامۋى جاڭا باتىس اۋدانىمەن جالعاسىپ جاتىر. باس جوسپارعا سايكەس بۇل اۋماقتا الەۋمەتتىك نىساندار مەن زاماناۋي تۇرعىن ءۇي كەشەندەرى سالىنادى. بولاشاقتا مۇندا 12 مىڭنان استام تۇرعىن ءومىر سۇرەدى دەپ كۇتىلەدى.
ۇلىتاۋ وبلىسى
