فوتو: اپوستروف
اۋا تەمپەراتۋراسى رەسپۋبليكانىڭ باسىم بولىگىندە كليماتتىق نورمادان شامامەن 1°س جوعارى, ال وڭتۇستىك-شىعىس بولىگىندە نورماعا جۋىق بولادى (جەتىسۋ وبلىسىنىڭ باسىم بولىگىندە, الماتى جانە شىعىس قازاقستان وبلىستارىنىڭ وڭتۇستىك-شىعىس جارتىسىندا, اباي وبلىسىنىڭ قيىر وڭتۇستىك-شىعىسىندا).
جاۋىن-شاشىن مولشەرى رەسپۋبليكانىڭ باسىم بولىگىندە نورمادان كوپ, ال اقتوبە, ۇلىتاۋ وبلىستارىندا, ماڭعىستاۋ, قوستاناي, اقمولا, قاراعاندى, قىزىلوردا وبلىستارىنىڭ باسىم بولىگىندە, باتىس قازاقستان مەن اتىراۋ وبلىستارىنىڭ شىعىسىندا, تۇركىستان جانە جامبىل وبلىستارىنىڭ سولتۇستىگىندە نورماعا جۋىق بولادى دەپ بولجانادى.
اي بويى ەلىمىزدە اۋا رايى قۇبىلمالى بولادى. كەي كۇندەرى ەلدىڭ سولتۇستىك جارتىسىندا قار, باتىس جانە وڭتۇستىك جارتىسىندا جاڭبىر جانە قار ارالاس جاڭبىر جاۋادى. جەل كۇشەيىپ, ءالسىن بوران سوعىپ, تۇمان جانە كوكتايعاق بولۋى دا ىقتيمال.
ناۋرىز ايىنىڭ ءبىرىنشى جارتىسىندا ايازدى كۇندەر مەن جىلى اۋا رايى قاتار بولادى.
بولجامدار ناقتىلانا تۇسپەك: «قازگيدرومەت» سۋپەركومپيۋتەردى پايدالانا باستادى
«ەلىمىزدىڭ سولتۇستىك, شىعىس جانە ورتالىق وڭىرلەرىندە ناۋرىز «قىستىڭ جالعاسى» بولىپ سانالادى. سوندىقتان قىسقا ءتان سۋىق اۋا رايى, قار جاۋى, بوران, ءجيى كوكتايعاق پەن تۇمان كۇتىلەدى. دەگەنمەن كەيبىر كۇندەرى كوكتەمنىڭ لەبى سەزىلەدى. ءبىرىنشى ونكۇندىكتە تۇنگى تەمپەراتۋرا -28-38°س-تان -5-10°س-قا دەيىن, كۇندىز -10-20°س-تان 0-8°س-قا دەيىن بىرتىندەپ جوعارىلايدى. ونكۇندىكتىڭ سوڭىندا تەمپەراتۋرا قايتا تومەندەيدى. باتىس وڭىرلەردە دە ناۋرىز ايى قۇبىلمالى, كوكتەمگە ءتان وزگەرمەلى بولادى. اي بويى سۋىتۋ مەن جىلىنۋ كەزەڭدەرى الماسىپ وتىرادى. ءبىرىنشى ونكۇندىكتە تۇندە -5-15°س-تان 0-5°س-قا دەيىن, كۇندىز 0-8°س-تان -3+7°س-قا دەيىن اۋىتقيدى. وڭتۇستىك جارتىسىندا ءبىرىنشى ونكۇندىكتە تۇنگى تەمپەراتۋرا -8+2°س-قا دەيىن, كۇندىز +5+15°س-قا دەيىن بىرتىندەپ جوعارىلايدى», دەلىنگەن «قازگيدرومەت» حابارلاماسىندا.
قاڭتار ايىندا 51 جىل بويى ساقتالعان تەمپەراتۋرالىق رەكورد جاڭاردى
ايدىڭ ەكىنشى جانە ءۇشىنشى ونكۇندىكتەرىندە سولتۇستىك, ورتالىق جانە شىعىس وڭىرلەردە تۇندە -3+2°س-تان -8-15°س-قا دەيىن, كەي جەرلەردە -20-25°س-قا دەيىن, كۇندىز +5+13°س-تان 0-8°س-قا دەيىن اۋىتقۋى بولجانعان. وڭتۇستىك-باتىس جانە وڭتۇستىك وڭىرلەردە كەي كۇندەرى كۇندىز +13+22°س-قا دەيىن, ال قيىر وڭتۇستىكتە +27°س-قا دەيىن جىلىنادى. انتيتسيكلون ىقپالىمەن قىسقا مەرزىمدى سۋىق تولقىندارى دا بولۋى مۇمكىن.
