كونتسەرتتىك باعدارلامادا كومپوزيتوردىڭ ەل جۇرەگىنەن ورىن العان تاڭداۋلى شىعارمالارى ورىندالىپ, ونىڭ ۇلتتىق ونەرگە قوسقان ولشەۋسىز ۇلەسى مەن تاعىلىمدى شىعارماشىلىق جولى كەڭىنەن تانىستىرىلادى. اتاپ ايتقاندا, «سالەم ساعان, تۋعان ەل», «ويلايسىڭ با, جانىم», «دومبىرا تۋرالى باللادا», «وكىنبە سەن», «عاشىقتار جىرى», «قاراعىم-اي, «اناعا حات» جانە تاعى باسقاتۋىندىلارى كورەرمەن نازارىنا ۇسىنىلادى.
ءىس-شاراعا نۇرلان ونەرباەۆ, جەڭىس ىسقاقوۆا, قۇرماش ماحان, باۋىرجان يساەۆ, ەربول تاجىباەۆ, التىنشاش مۇقاتاەۆا, ءادىلجان تولىقپاەۆ, اننا ۋۆاروۆا, اسقار مۇقيات, ءادىلحان ماكين, زارينا ماكينا, ەرلان رىسقالي, پەريزات تۇراروۆا, قۋاندىق شالقار ۇلى, اسىلحان شالقاروۆ, اليبەك الماديەۆ, نۇراي مىقتى, يبراحيم امين, سۇلتان احمەت, ايىم قوعام, ۆەنەرا تابىس, «Saz&Soul» توبى, «استانا» ەسترادالىق سيمفونيالىق وركەسترى, G-بەند, «Gulder» ءانسامبلى سىندى قازاقكونتسەرتتىڭ ونەر جۇلدىزدارى مەن شىعارماشىلىق ۇجىمدارى قاتىسادى. سونداي-اق قازاقستاننىڭ ەڭبەك سىڭىرگەن قايراتكەرلەرى سەمبەك جۇماعاليەۆ, التىناي جوراباەۆا, «استانا» ەسترادالىق-سيمفونيالىق وركەسترىنىڭ كوركەمدىك جەتەكشىسى, «قۇرمەت» وردەنىنىڭ يەگەرى ەرجان يسين جانە رەسەي حالىقءارتىسى, ديريجەر, دجاز ءپيانيسى, «فونوگراف-سيمفو-دجاز» وركەسترىنىڭ جەتەكشىسى سەرگەي جيلين ونەر كورسەتەدى.
كەڭەس دۇيسەكەەۆ – قازاق مۋزىكا ونەرىنىڭ التىن قورىنا ەنگەن بىرەگەي تۋىندىلاردىڭ اۆتورى, ۇلتتىق رۋح پەن زاماناۋي اۋەندى شەبەر ۇشتاستىرعان كورنەكتى كومپوزيتور. ونىڭ شىعارماشىلىق مۇراسىندا «تولعاۋ» سيمفونياسى, «ءجالاڭتوس باتىر» سيمفونيالىق پوەما-كارتيناسى, «و, دۇنيە» كانتاتاسى, «جىل مەزگىلدەرى» رومانستار تسيكلى, سونداي-اق «جان اكە», «قاراعىم-اي», «سالەم ساعان, تۋعان ەل», «وكىنبە سەن», «عاشىقتار جىرى» جانە ت.ب. كەڭىنەن تانىمال مۋزىكالىق شىعارمالارى بار. سونىمەن قاتار كومپوزيتور «ءمادي», «اققۋ جىبەك» ميۋزيكلدەرىنىڭ, «الدار كوسە» وپەرەتتاسى, سيمفونيا-كونتسەرت پەن ءتۇرلى اسپاپتارعا ارنالعان كونتسەرت, كامەرالىق وركەسترگە ارنالعان شىعارمالارمەن 200-دەن استام ءاننىڭ اۆتورى.
كەش 10 اقپان كۇنى ساعات 18:00 روزا باعلانوۆا اتىنداعى «قازاقكونتسەرت» ماكۇ-دا وتەدى.
