اتالعان شەشىم قازاقستان رەسپۋبليكاسى پرەزيدەنتى اكىمشىلىگى باسشىسىنىڭ تاپسىرماسىنا جانە قازاقستان رەسپۋبليكاسى ۇكىمەتىنىڭ قاۋلىسىنا ەنگىزىلگەن وزگەرىستەرگە بايلانىستى قابىلدانىپ وتىر. بۇل وزگەرىستەر جەرگىلىكتى دەڭگەيدە بالالاردىڭ قۇقىعىن قورعاۋ جونىندەگى ارناۋلى ورگان قۇرۋعا باعىتتالعان.
سەسسيادا ءسوز سويلەگەن الماتى قالاسى ءماسليحاتىنىڭ توراعاسى مەيىرجان وتىنشيەۆ بالالاردىڭ قۇقىعى مەن قاۋىپسىزدىگىن قامتاماسىز ەتۋ ماسەلەسى بۇگىندە بۇكىل ەل بويىنشا ەرەكشە ماڭىزعا يە ەكەنىن ايتتى.
دينارا زاكيەۆا: جاڭا كونستيتۋتسيادا وتباسى مەن بالا قۇقىعىن قورعاۋ كۇشەيتىلەدى
ونىڭ ايتۋىنشا, جەكە باسقارمانىڭ قۇرىلۋى پروفيلاكتيكا جۇمىستارىن كۇشەيتۋگە, جەدەل ارەكەت ەتۋ تەتىكتەرىن جەتىلدىرۋگە جانە ۆەدومستۆوارالىق ۇيلەستىرۋدى ءتيىمدى جولعا قويۋعا مۇمكىندىك بەرەدى. بۇل حالىق سانى كوپ ءارى الەۋمەتتىك ينفراقۇرىلىمى دامىعان مەگاپوليس ءۇشىن اسا ماڭىزدى.
