ايتا كەتەتىن جايت, جاريالانعان كونستيتۋتسيا جوباسىندا پرەامبۋلا تولىعىمەن وزگەرتىلگەن. تاۋەلسىزدىك جىلدارى قازاقستان قوعامى ماڭىزدى وزگەرىستەرگە ۇشىرادى. جاڭا پرەامبۋلا ءدال قازىرگى زاماننىڭ رۋحىن, ءبىزدىڭ قوعامىمىزدىڭ ماقساتتارىن جانە ءبىزدىڭ كىم ەكەنىمىزدى كورسەتەدى.
جالپى العاندا, پرەامبۋلانىڭ وزگەرۋى قازاقستاننىڭ دامۋىنداعى كەلەسى ەۆوليۋتسيالىق كەزەڭدى بەلگىلەيدى جانە قازاق قوعامىنىڭ ۇستاناتىن قۇندىلىقتارىن ايقىندايدى.
وسى ورايدا, زاڭ مەن ءتارتىپ ساقتالاتىن, ازاماتتاردىڭ قۇقىقتارى مەن بوستاندىقتارى قورعالاتىن, قورشاعان ورتاعا قامقورلىق جاساۋ جولىنا تۇسكەن ادىلەتتى قازاقستان يدەياسىن بەكىتۋ – قوعامنىڭ بۇل ماسەلەلەردى جەتە تۇسىنگەنىن مەن ەسەيگەنىن, سونداي-اق زاماناۋي قازاقستاننىڭ قاعيداتتارى مەن يدەالدارىنىڭ بويىنا تولىق سىڭىرگەنىن كورسەتەدى.
مىڭجىلدىق تاريحتىڭ ساباقتاستىعى – جاڭا كونستيتۋتسيا جوباسى ايقىنداپ بەرگەن باعدار
ودان بولەك, وسى قۇندىلىقتار كونستيتۋتسيانىڭ بارلىق باپتارىندا كورىنىس تابادى.
بۇل امبەباپ يدەيالار بۇگىن دە وزەكتى, ءارى بولاشاقتا دا وزەكتىلىگىن جوعالتپايدى, سوندىقتان ولاردى كونستيتۋتسيادا بەكىتۋ – قازاقستاننىڭ كەلەشەك ۇرپاقتارى ءۇشىن بەلگىلى ءبىر باعدار بولاتىنى انىق.
سونىمەن قاتار, بۇل ماسەلە سوڭعى التى اي بويى بەلسەندى تالقىلاندى. ەل ازاماتتارىنان 2 مىڭنان استام ۇسىنىس ءتۇستى.
جاڭا كونستيتۋتسيانىڭ جوباسى: ادامي كاپيتال مەن ادام قۇقىقتارىنا باسىمدىق
باستاپقىدا وزگەرىستەر كونستيتۋتسيانىڭ 40 باپتارىنا قاتىستى بولادى دەپ جوسپارلانعان. الايدا, جۇمىس بارىسىندا وزگەرىستەر سانىنىڭ الدەقايدا كوپ بولاتىندىعى انىقتالدى. كوميسسيا مۇشەلەرى بارلىق ماڭىزدى وزگەرىستەردى مۇقيات قاراپ شىعىپ, تۇزەتۋلەر بارلىق بولىمدەر مەن 77 باپتى قامتىپ, بۇل قازىرگى كونستيتۋتسيا ءماتىنىنىڭ 84%-ىن قۇرادى. وسىلايشا, كوميسسيا مۇشەلەرى قازاقستاننىڭ جاڭا كونستيتۋتسياسىن دايىنداۋدى ماسەلەسىن كوتەرىپ, ول قولداۋ تاپتى.
