«زاڭ جانە ءتارتىپ» ايلىعى اياسىندا ۇيىمداستىرىلعان تەاتر فەستيۆالىندە ساحنا ونەرى ارقىلى وقۋشىلار بۇگىنگى كۇننىڭ وزەكتى ماسەلەسىن ءدال بەينەلەپ بەردى. ء«تارتىپ پەن جاۋاپكەرشىلىك» اتاۋىمەن وتكەن تەاتر فەستيۆالىنە مەكتەپ ۇجىمى, وقۋشىلار, سوىمەن قاتار اتا-انالار, ارنايى ءىس-شاراعا «ەگەمەن قازاقستان» گازەتىنىڭ ءتىلشىسى قۋانىش نۇردانبەك ۇلى مەن بايقوڭىر اۋدانى بويىنشا كامەلەتكە تولماعاندار ءىسى جونىندەگى ينسپەكتور سىمبات راحمانبەتقىزى قاتىسىپ, تاربيەلىك ءمانى زور ويلارىمەن ءبولىستى.
سونداي-اق فەستيۆالدىڭ جوعارى دەڭگەيدە وتۋىنە «ۇيدە» جاستار الەۋمەتتىك جوباسىنىڭ نەگىزىن قالاۋشى, ىشكى ىستەر مينيسترلىگى جانىنداعى ەسىرتكى قىلمىسىنىڭ الدىن الۋ جونىندەگى كەڭەس مۇشەسى سايات جارمۇحانبەت ۇلى اتسالىسىپ, جاستارعا باعىت-باعدار بەرەتىن مازمۇندى پىكىرلەر ايتتى.
فەستيۆال شىمىلدىعى ء«سات» بي توبىنىڭ «قازاق» بيىمەن اشىلىپ, ۇلتتىق رۋح پەن ساحنا مادەنيەتىنىڭ ۇيلەسىمىن كورسەتتى. كورەرمەندەر نازارىنا «Street Soul» كومانداسى «وتكرىتيە» ءبيىن ۇسىنىپ, كەشتىڭ شىرايىن اشا ءتۇستى. 6 «ز» سىنىپ وقۋشىلارى كاريموۆا ايلين مەن برالينوۆا ديلناز ونەر كورسەتسە, 5 «ۆ» سىنىپ وقۋشىلارى قايسار ايسانۋ مەن كامالي ايالۋ دزيۋدو جاتتىعۋلارىن ورىنداپ, كورەرمەننىڭ ىستىق ىقىلاسىنا بولەندى.
تەاترلاندىرىلعان قويىلىمدار دا كورەرمەندى تەرەڭ ويعا جەتەلەدى. «اسىل» كومانداسى «نوۆايا ودنوكلاسسنيتسا» قويىلىمى ارقىلى مەكتەپتەگى قارىم-قاتىناس پەن تۇسىنىستىكتىڭ ماڭىزىن كورسەتتى. «ۆتوروي شانس» كومانداسى «تام, گدە نە حۆاتالو مامى» قويىلىمىندا وتباسى جىلۋى مەن اتا-انانىڭ ورنىن ەشنارسە الماستىرا المايتىنىن اسەرلى جەتكىزدى. ال «شابىت» كومانداسى «اتا-انالارمەن قاقتىعىستار: نەگە ءبىزدى ەستىمەيدى؟» قويىلىمى ارقىلى جاسوسپىرىمدەر مەن اتا-انالار اراسىنداعى تۇسىنىسپەۋشىلىك ماسەلەسىن شىنايى بەينەلەدى. «Arys» كومانداسى «ۆەششەستۆا ي لۋدومانيا» تاقىرىبىنداعى قويىلىمىمەن زياندى ادەتتەردىڭ ادام ومىرىنە تيگىزەر اۋىر سالدارىن كوركەم تۇردە كورسەتە ءبىلدى.
فەستيۆال بارىسىندا 5 «ل» سىنىپ وقۋشىسى حايرۋددين اليا «تاۋ ىشىندە» ءانىن ورىنداپ, كوپشىلىكتى باۋراسا, «اقجەلەڭ» دومبىراشىلار ءانسامبلى ۇلان باكيجانوۆتىڭ «ەسىل-نۇرا» كۇيىن ورىنداپ, ۇلتتىق ونەردىڭ بيىك دەڭگەيىن پاش ەتتى. مادەني, رۋحاني شارا وقۋشىلاردىڭ اكتەرلىك قابىلەتىن عانا ەمەس, ولاردىڭ ومىرگە كوزقاراسىن, زاڭ مەن تارتىپكە باعىنۋدىڭ ماڭىزى جوعارى ەكەنىن ايقىنداي ءتۇستى. ساحناداعى ءار قويىلىم – بۇگىنگى قوعامداعى وزەكتى ماسەلەلەردىڭ كوركەم كورىنىسىندەي اسەر ەتتى.
