ەڭ اۋەلى سپورتشى كۋبيكتىڭ تۇستەرىنە قىسقا ۋاقىت قاراپ الادى. سول ساتتە ول كۋبيكتىڭ قالاي «ارالاسىپ» تۇرعانىن ميىنا ساقتايدى. كەيىن كوزىن بايلايدى. ودان سوڭ قولمەن عانا ۇستاپ وتىرىپ, ميدا ساقتالعان جوسپار بويىنشا كۋبيكتى جينايدى. ءبىر قاراساڭ, بۇل ماتەماتيكا سياقتى. ءبىر قاراساڭ, مۋزىكا سياقتى. ەڭ باستىسى, ءبارى سانادا جۇرەدى.
Guinness مالىمەتىنشە, چارلي ەگگينس بۇعان دەيىنگى 12 سەكۋندتىق مەجەدەن اسىپ ءتۇستى. الدىڭعى رەكوردتى امەريكالىق توممي چەرري 2024 جىلعى 11 اقپاندا سان-ديەگودا وتكەن جارىستا قويعان ەدى. ياعني, الەمدەگى ەڭ مىقتى كۋبيكشىلەردىڭ وزىندە ايىرماشىلىق جۇزدەن ءبىر سەكۋندپەن ولشەنەدى.
جارىستا تاعى ءبىر جەتىستىك تىركەلدى. سول سيدنەيدەگى جارىستا چارلي ەگگينس كوزدى بايلاپ شەشۋدىڭ ورتاشا ناتيجەسى بويىنشا دا رەكوردقا تەڭەستى. Guinness دەرەگىندە بۇل كورسەتكىش 14,05 سەكۋند ەكەنى ايتىلادى.
كوزدى بايلاپ شەشۋ – ويىن ەمەس, جاتتىعۋمەن شىڭدالاتىن ونەر. مۇندا زەيىن كەرەك. ءتارتىپ كەرەك. كۇن سايىن قايتالاۋ كەرەك. ەڭ باستىسى, ميعا سالماق تۇسىرۋدەن قورىقپاۋ كەرەك.
وسىنداي رەكوردتار بالالارعا دا پايالى. قولداعى قاراپايىم كۋبيك كەيدە بالانىڭ لوگيكاسىن ۇشتاپ, ءتوزىمىن تاربيەلەپ, ءتىپتى الەمدىك دەڭگەيگە جول اشۋى مۇمكىن.
