فوتو: قورعانىس مينيسترلىگى
«اشىق ەسىك» كۇنى كەلۋشىلەرگە قارۋ-جاراق پەن اسكەري تەحنيكا ۇلگىلەرى مەرزىمدى قىزمەتتەگى اسكەري قىزمەتشىلەردىڭ ارنايى جاتتىعۋلارى, ولاردىڭ تۇرمىستىق جاعدايى, كازارمالار مەن اسحانالار كورسەتىلەدى.
اسكەري بولىمدەر مەن بولىمشە كومانديرلەرى مەرزىمدى اسكەري قىزمەتكە قاتىستى كەز كەلگەن سۇراققا جاۋاپ بەرەدى.
ەلىمىزدىڭ قورعانىس سالاسىندا قانداي تسيفرلىق شەشىمدەر ەنگىزىلگەن؟
«اشىق ەسىك» كۇنى ءىس-شاراسى اسكەر مەن قوعام اراسىنداعى سەنىمدى نىعايتۋعا, اشىقتىقتى ارتتىرۋعا جانە مەرزىمدى اسكەري قىزمەتتىڭ ناقتى جاعدايىن تانىستىرۋعا باعىتتالعان. ءىس-شارا قورىتىندىسى بويىنشا ەڭ ۇزدىك مەرزىمدى اسكەري قىزمەتشىلەرگە ادال قىزمەتى مەن ۇلگىلى اسكەري ءتارتىبى ءۇشىن ماراپات رەتىندە ەركىن سەيىل جاساۋىنا ءبىر كۇن بەرىلەدى», دەلىنگەن مينيسترلىك حابارلاماسىندا.
اسكەري قىزمەتشىلەر مەن وتباسى مۇشەلەرى پويىزبەن تەگىن قاتىنايدى
ال ءار اسكەري ءبولىم «اشىق ەسىك» كۇنىن وتكىزۋ ۋاقىتىن وزدەرى بەلگىلەيدى. ال اتا-انالارعا اقپاراتتى اسكەري بولىمدەردىڭ قولباسشىلىعى جەتكىزۋ كەرەك.
مينيسترلىك مالىمەىتنشە, قارۋلى كۇشتەردىڭ اسكەري بولىمدەرىندە اتا-انالار مەن مەرزىمدىك شاقىرتۋ جاسىنا تولماعان ازاماتتارعا «اشىق ەسىك» كۇندەرىن تۇراقتى تۇردە ۇيىمداستىرىلادى. وسى ماقساتتا ءبولىم كومانديرلەرى WhatsApp مەسسەندجەرىندە ارنايى چاتتار اشادى. سونداي-اق «وتباسىمەن بەينە قوڭىراۋ» سەرۆيسى ارقىلى اتا-انالارمەن تۇراقتى بەينەقوڭىراۋ بايلانىسى جولعا قويىلعان. ۆەدوموستۆو وسى ماقساتتا ارنايى پلانشەتتەر ساتىپ العان.
سونىمەن قاتار «انالاردىڭ جۇرەگى» سارباز انالارى كوميتەتى رەسپۋبليكالىق قوعامدىق بىرلەستىگىنىڭ وكىلدەرى اسكەري بولىمدەردەگى ساربازداردىڭ قىزمەت ەتۋ جاعدايىن ۇنەمى تەكسەرىپ, بولىمدەگى جاعداي تۋرالى قارۋلى كۇشتەردىڭ باسشىلىعى مەن اتا-انالارعا اقپارات بەرە الادى.
