تۋعان توپىراقتان تۇلەپ ۇشىپ, ەل ىقىلاسىنا بولەنىپ جۇرگەن ونەر يەلەرى ءبىر ساحنادا باس قوسىپ, جەرگىلىكتى جۇرتتىڭ قۇلاق قۇرىشىن قاندىردى. كونتسەرت كومپوزيتور, ءانشى جارىلعاپبەردى جۇماباي ۇلىنىڭ 175, قازاق حيمياسىنىڭ اتاسى ابىكەن بەكتۇروۆتىڭ 125 جىلدىعىنا ارنالدى.
كەش بارىسىندا باياناۋىل ەلىنىڭ تالانتتى ازاماتتارى, ۇلتتىق ونەردىڭ جارقىن وكىلدەرىنەن قۇرالعان «سارىارقا» تريوسى ءان تارتۋ ەتتى. سونداي-اق باياناۋىلدىڭ تۋماسى, رەسپۋبليكالىق جانە حالىقارالىق بايقاۋلاردىڭ لاۋرەاتى, الماتى قالاسىنان ارنايى كەلگەن گۇليا ايدارحانوۆا دا كەشتىڭ كوركىن اشا ءتۇستى.
جارىلعاپبەردى جۇماباي ۇلى – «ارداق» «شاما», «توپايكوك» سەكىلدى قايتالانباس اندەردىڭ اۆتورى. ء«اندى ەرتتەپ, كۇيدى مىنگەن» دەيتىن جامپوزدىڭ ناق ءوزى. زامانىندا ءانشى جارىلعاپ, بالۋان جارىلعاپ اتانعان. ءانشى بولعاندا اسقاقتاتىپ كوتەرگەندە اسپانداعى قۇس قايىرىلعان عالامات داۋىس يەسى بولعان ونەرپاز. سۇيەگى باياناۋلانىڭ كۇركەلى وڭىرىندەگى جارىلعاپ قوراسى دەگەن جەرگە جەرلەنگەن.
پاۆلودار وبلىسى,
باياناۋىل اۋدانى
