گەرمانيادا م ۇلىكتەردى قاق بولگەن ازاماتتىڭ ارەكەتى وتىرىك بولىپ شىقتى

استانا. 25 ماۋسىم. اجىراسقاننان كەيىن مۇلكىن ەكىگە بولگەن نەمىستىڭ وقيعاسى وتىرىك بولىپ شىقتى. بۇل تۋرالى tengrinews.kz حابارلادى. وسىعان دەيىن ەرلى-زايىپتىلاردىڭ اجىراسقاننان كەيىن كۇيەۋى بارلىق م ۇلىكتى ەكىگە ءبولىپ, وزىنە تيەسىلى بولىگىن eBay ينتەرنەت-اۋكتسيونىنداعى پاراقشاسىنا ساتىلىمعا قويعانى, ال قالعان بولىگىن بۇرىنعى عاشىعىنا جولداعانىن. BBC حابارلاعان بولاتىن. الايدا, ەلدى ەلەڭ ەتكىزگەن وقيعا ويدان شىعارىلعانى انىقتالدى. شىن مانىندە جۇرەگى جارالانعان جىگىتتىڭ ءاۆتوموبيلدى, تەلەفوندى, توسەك ورنىن جانە تاعى دا باسقا زاتتاردى قاق ءبولىپ جاتقان ءساتى كورسەتىلگەن ۆيدەوروليك نەمىس ادۆوكاتتار اسسوتسياتسياسى ءۇشىن ارنايى تۇسىرىلگەن. «مۇنداعى يدەيا - گەرمانيادا عانا ەمەس, سونىمەن قاتار بارلىق ەلدە ۋشىعىپ تۇرعان ماسەلەگە ازىلمەن نازار اۋدارتۋ. كوپتەگەن جۇپ اجىراسۋدا قاجەتتى شارالاردى قابىلدامايدى. سوندىقتان اجىراسقانداردىڭ جاعدايى دۇرىس جولمەن شەشىلمەيدى», – دەلىنگەن Deutsche Anwaltauskunft سايتىندا جاريالانعان حابارلامادا. BBC تاراتقان مالىمەتتە مۇلكىن قاق بولگەن نەمىستىڭ وقيعاسىن اقش-تىڭ Mashable جانە Fox News بەدەلدى اقپارات قۇرالدارى, رەسەيدىڭ RT تەلەارناسى جانە يراننىڭ Press TV سياقتى ءىرى اقپارات قۇرالدارى حابارلاعان. ال «لاۋراعا» دەگەن اتپەن YouTube رەسۋرسىنا شىققان ۆيدەو 6 ميلليوننان استام رەت كورىلگەن. تالعات رايىمبەك. دەرەك, سۋرەت: tengrinews.kz.