پوروشەنكو كولومويسكيدى وتستاۆكاعا جىبەردى

استانا. 25 ناۋرىز. ۋكراينا پرەزيدەنتى پەتر پوروشەنكو دنەپروپەتروۆسك وبلىسى گۋبەرناتورى يگور كولومويسكيدىڭ ءوزىن وبلىستىق مەملەكەتتىك اكىمشىلىك لاۋازىمىنان وتستاۆكاعا جىبەرۋ جونىندەگى ءوتىنىشىن قاناعاتتاندىردى. بۇل تۋرالى «ۋكرينفورم» حابارلادى. «مەملەكەت باسشىسى ءتيىستى جارلىققا ولاردىڭ ءبىر-بىرىمەن كەزدەسكەن كەزدەرىندە قول قويدى», - دەلىنگەن پرەزيدەنتتىڭ ءباسپاسوز قىزمەتىنىڭ پاراقشاسىندى. پەتر پوروشەنكو دنەپر ءوڭىرىنىڭ ۋكراينانىڭ شىعىسىنداعى سەنىمدى قورعانىس شەبى بولىپ قالا بەرۋى كەرەك ەكەنىن اتاپ ءوتتى. «بەيبىت ءومىردى, تۇراقتىلىقتى جانە تىنىشتىقتى قالپىنا كەلتىرۋىمىز كەرەك. دنەپر ءوڭىرى شىعىس ۋكرايناداعى باستيون بولىپ قالا بەرەدى, ول تۇرعىنداردىڭ بەيبىتشىلىگى مەن تىنىشتىعىن قورعايدى», - دەدى مەملەكەت باسشىسى. پرەزيدەنتتىڭ ايتۋىنشا, ەندى دنەپروپەتروۆسك وبلىسى مەملەكەتتىك اكىمشىلىگىنىڭ توراعاسى قىزمەتىنە ۆالەنتين رەزنيچەنكو ۋاقىتشا تاعايىندالاتىن بولادى. مۇرات ايتقوجا. مانبە, سۋرەت: ۋكرينفورم..