فوتو: دەنساۋلىق ساقتاۋ مينيسترلىگى
130 مىڭ وتا
تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) جانە ءمامس شەڭبەرىندە شۇعىل جانە جوسپارلى ارالاسۋدى قوسا العاندا, جىل سايىن شامامەن 130 مىڭنان استام وپەراتسيا جۇرگىزىلەدى.
ەندوپروتەزدەۋ
2025 جىلى بۋىنداردى اۋىستىرۋ بويىنشا 20 مىڭعا جۋىق وپەراتسيا جاسالدى, ونىڭ ىشىندە 19 مىڭعا جۋىعى – باستاپقى وپەراتسيالار. سوڭعى 5 جىلدا ەندوپروتەزدەۋ كولەمى شامامەن 50%-عا ءوستى, بۇل حالىق ءۇشىن جوعارى تەحنولوگيالىق ورتوپەديالىق كومەكتىڭ قولجەتىمدىلىگىنىڭ وسكەنىن تىكەلەي كورسەتەدى.
دەنساۋلىق ساقتاۋ مينيسترلىگى ءباسپاسوز قىزمەتىنىڭ مالىمدەۋىنشە, جوعارى تەحنولوگيالىق مەديتسينالىق كومەكتىڭ (جتمك) تۇراقتى كولەمى دە ساقتالادى. 2025 جىلى مۇنداي كومەككە 1,5 مىڭنان استام ادام جۇگىنگەن, ونىڭ ىشىندە: 300-دەن استام ومىرتقا وپەراتسياسى, 1000-نان استام رەۆيزيالىق ەندوپروتەزدەۋ, ۇلكەن بۋىندارعا 4,5 مىڭنان استام ارتروسكوپيالىق وپەراتسيا ورىندالعان.
بۇل ارالاسۋلاردىڭ بارلىعى مامانداردىڭ جوعارى بىلىكتىلىگىن, زاماناۋي جابدىقتاردى جانە كلينيكالىق ستاندارتتاردى قاتاڭ ساقتاۋدى تالاپ ەتەدى جانە ءمامس جانە تمككك شەڭبەرىندە تەگىن جاسالادى.
اياز, كوكتايعاق: استانانىڭ باس تراۆماتولوگى تۇرعىنداردى ساق بولۋعا شاقىردى
نەگىزگى جۇكتەمە ءداستۇرلى تۇردە ەلدىڭ جەتەكشى بەيىندىك ورتالىقتارىندا, سونىڭ ىشىندە ۇلتتىق تراۆماتولوگيا جانە ورتوپەديا عىلىمي ورتالىعىندا شوعىرلانعان.
سونىمەن قاتار, مەديتسينا تەحنولوگيالىق تۇرعىدان داميدى. كلينيكالىق پراكتيكاعا كەزەڭ كەزەڭىمەن ەنگىزىلەتىندەر:
• ومىرتقا حيرۋرگياسىنداعى ناۆيگاتسيالىق جۇيەلەر,
• ەندوپروتەزدەۋدەگى روبوتتى تەحنولوگيالار,
• دەگەنەراتيۆتى بۋىن اۋرۋلارىنا ارنالعان جاسۋشالىق ادىستەر,
• كۇردەلى جوندەۋگە ارنالعان 3D تەڭشەلگەن يمپلانتتار.
سونىمەن قاتار وڭىرلىك تراۆماتولوگيالىق قىزمەت كۇشەيتىلىپ جاتىر. وتكەن جىلى جاڭا تراۆماتولوگيالىق بولىمشەلەر مەن پۋنكتتەر اشىلىپ, وڭىرلىك ورتالىقتاردى قالىپتاستىرۋ باستالدى. تەك 2025 جىلى عانا ۇعتوو ماماندارى وڭىرلەردەن كەلگەن دارىگەرلەر ءۇشىن 200-دەن استام ونلاين-كونسۋلتاتسيا مەن وقىتۋ ءىس-شاراسىن وتكىزدى.
بۇل كۇردەلى جانە قىمبات تراۆماتولوگيالىق-ورتوپەديالىق كومەكتى تەك رەسپۋبليكالىق ورتالىقتاردا عانا ەمەس, پاتسيەنتتەردىڭ تۇراتىن جەرىنە جاقىن جەردە دە قولجەتىمدى ەتۋگە باعىتتالعان جۇيەلى جانە دايەكتى جۇمىس.
قازاقستاندا جۇيەنى نىعايتۋ جانە قولجەتىمدىلىكتى كەڭەيتۋ ارقىلى زاماناۋي تراۆماتولوگيا مەن ورتوپەديا دامىپ كەلەدى.
