نەمىس پيلوتتارى Airbus ۇشاعىمەن ۇشۋدان باس تارتىپ جاتىر

استانا. 25 ناۋرىز. سەيسەنبى كۇنى ا320 لاينەرى فرانتسۋزدىڭ ءالپى تاۋلارىنا سوعىپ, اپات بولعان نەمىستىڭ Germanwings كومپانياسىنىڭ ۇشقىشتارى Airbus ۇشاقتارىمەن رەيس جاساۋدان باس تارتىپ جاتىر. بۇل تۋرالى نەمىستىڭ Spiegel Online باسىلىمى جازدى. «نەمىستىڭ Germanwings اۆياكومپاينياسىنىڭ ديۋسسەلدورف, شتۋتگارت جانە بەرلين اەروپورتتارىنداعى بىرقاتار ەكيپاجدار Airbus اۋە كەمەلەرىمەن رەيستەر جاساۋدان باس تارتۋدا», - دەلىنگەن ماقالادا. بۇقارالىق اقپارات قۇرالدارى جولاۋشىلاردىڭ مالىمەتتەرىنە سۇيەنە وتىرىپ, اپاتقا ۇشىعان اەروبۋستىڭ بارسەلونادان باعىت الىپ كەلە جاتقان ديۋسسەلدورف قالاسىنداعى اەروپورتىندا سەيسەنبى كۇنى ۇشۋعا دايىن تۇرعانىمەن, كوپتەگەن ۇشاقتاردىڭ اۋەگە كوتەرىلمەي تۇرىپ قالعاندارىن جەتكىزدى. Germanwings كومپانياسىنىڭ ۇستىنەن قارايتىن Lufthansa كومپانياسىنىڭ وكىلى سەيسەنبى كۇنى شىنىندا دا كوپتەگەن رەيستىڭ ورىندالماي قالعانىن راستاپ, ولاردىڭ ءبارىنىڭ «جەكە سەبەپتەردەن» بولعانىن ايتتى. ايتا كەتەيىك, اپاتقا ۇشىراعان اەروبۋس زاۋىتتان 1991 جىلى شىققان ەكەن. ول كومپانياداعى ەڭ كونە لاينەرلەردىڭ ءبىرى بولىپ سانالعان. مۇرات ايتقوجا. مانبە, سۋرەت: ريا «نوۆوستي».