فوتو: edu.mcfr.kz
قازىر «پەداگوگ-شەبەر» ساناتىن الۋ ءۇشىن مۇعالىمدەر رەسپۋبليكالىق وقۋ-ادىستەمەلىك كەڭەس ۇسىنعان اۆتورلىق باعدارلامالاردى ازىرلەپ, ونى ءبىلىم بەرۋ ۇدەرىسىنە ەنگىزۋى ءتيىس. الايدا بىلتىر جىل سوڭىندا وقۋ-اعارتۋ مينيسترلىگى بۇل تالاپتىڭ ءتيىمسىز ەكەنىنە نازار اۋدارىپ, جۇلدىز سۇلەيمەنوۆا ۆەدومستۆو پەداگوگتەردىڭ جۇمىسىن باعالاۋدىڭ بالاما تاسىلدەرىن ەنگىزۋدى جوسپارلاپ وتىرعانىن ايتقان.
پەداگوگ مارتەبەسى تۋرالى زاڭعا وزگەرىستەر ەنگىزىلەدى
«قازىر جۇمىس توبى اۋقىمدى ءىستى اتقارىپ, بارلىق نورماتيۆتىك-قۇقىقتىق اكتىلەردى تالداپ جاتىر. وسى ورايدا ءبىز اتتەستاتسيا كەزىندە اۆتورلىق باعدارلامالاردان باس تارتۋ ماسەلەسىن كوتەرىپ وتىرمىز. سەبەبى ولاردىڭ ءبىلىم بەرۋ ۇدەرىسىن ۇيىمداستىرۋدا قانشالىقتى ءتيىمدى ەكەنىن, سونداي-اق ازىرلەنگەن اۆتورلىق باعدارلامالاردىڭ ناقتى قانشاسى قولدانىلىپ جاتقانىن كورىپ وتىرعان جوقپىز», دەدى جۇلدىز سۇلەيمەنوۆا.
مينيستر بۇل ماسەلەگە قاتىستى ۇستانىمى ناقتى ەكەنىن اتاپ ءوتىپ, اۆتورلىق باعدارلامالاردى ازىرلەۋ تالابى كەلەسى وقۋ جىلىنىڭ باسىنا دەيىن الىنىپ تاستالاتىنىن حابارلادى.
ەلىمىزدە پەداگوگتەردىڭ قۇقىعىن بۇزۋ فاكتىلەرى ءۇش ەسە ازايدى
«بىزگە ەندى باسقا ءتاسىلدى ەنگىزۋ قاجەت. ياعني مۇعالىم ءوزىنىڭ جۇمىسىن, وقۋ ۇدەرىسىن قالاي ءتيىمدى ۇيىمداستىرىپ وتىرعانىن, وقۋشىلارمەن قالاي جۇمىس ىستەيتىنىن كورسەتە الاتىن ءتاسىل كەرەك. بۇل باعىتتاعى جۇمىستى قازىر پىسىقتاپ جاتىرمىز», دەدى وقۋ-اعارتۋ ءمينيسترى.
جۇلدىز سۇلەيمەنوۆا بۇعان دەيىن دە پەداگوگتەردى اتتەستاتتاۋ قاعيدالارى قايتا قارالاتىنىن مالىمدەگەن.
