سونىمەن قاتار, 2025 جىلدان باستاپ ەلدە پاتولوگيانى ەرتە انىقتاۋ جانە ەمدەۋ ءۇشىن 336 ەرتە دامۋ جانە ارالاسۋ ورتالىعى جۇمىس ىستەيدى.
بۇگىنگى تاڭدا بالالارعا امبەباپ-پروگرەسسيۆتى مودەل بويىنشا 4 مىڭعا جۋىق پاتروناجدىق مەيىرگەرلەر قىزمەت كورسەتەدى. GPS ناۆيگاتسياسى مەن فوتوفيكساتسياسى بار پاتروناجدىق ەسەپتى تسيفرلاندىرۋ ۇيدەگى بالالاردىڭ ءولىمىن 22%-عا, ال كەش ەمدەۋگە جاتقىزۋدى 5%-عا تومەندەتۋگە مۇمكىندىك بەردى.
سونداي-اق ەلىمىزدە 302 تاپشى بەيىندى توسەك قالپىنا كەلتىرىلە وتىرىپ 15 بالالار اۋرۋحاناسىن جاڭارتۋ جالعاسىپ جاتىر, پەريناتالدىق ورتالىقتار جەلىسى قۇرىلۋدا.
قازىرگى ۋاقىتتا استانادا پەريناتالدىق ورتالىقتىڭ قۇرىلىسى جۇرگىزىلىپ جاتىر, شىمكەنت پەن تۇركىستان وبلىسىنداعى نىسانداردى جوبالاۋ اياقتالدى, تاعى التى جوبا ازىرلەنەدى.
قازىرگى پەريناتالدىق كومەكتى دامىتۋ انا مەن بالا ءولىمىن ودان ءارى تومەندەتۋگە باعىتتالعان.
