فوتو: اشىق دەرەككوز
اۋە كومپانياسى جولاۋشىعا قاراجاتتى تولىق قايتارىپ بەرۋدى نەمەسە الماتى – دانانگ – الماتى باعىتى بويىنشا, جوسپارلانعان كۇننەن ەكى تاۋلىك كەيىن ۇشاتىن بالاما رەيستى ۇسىنعان. جولاۋشىعا 274 مىڭ تەڭگە قايتارىلعانىمەن, ول بۇل سومانى جەتكىلىكسىز دەپ ساناپ, سوتقا جۇگىنگەن. تالاپ ارىزىندا ول ماتەريالدىق شىعىندى جانە ساپاردىڭ بۇزىلۋى مەن كۇيزەلىس سالدارىنان كەلگەن مورالدىق زياندى كورسەتكەن.
سوت وتىرىسىندا تۋروپەراتور وكىلى كومپانيا شارت بويىنشا ءوز مىندەتتەمەلەرىن تولىق ورىنداعانىن جانە تاسىمالداۋعا جاۋاپتى ەمەستىگىن مالىمدەدى. ال اۋە كومپانياسىنىڭ وكىلى تالاپتى مويىنداماي, شىعىن سوتقا دەيىن-اق وتەلگەنىن ايتتى.
ۆيتسە-مينيستر: اۋە بيلەتتەرىن تولىق قايتارۋ – باعانى شارىقتاتادى
قازىبەك بي اۋداندىق سوتى №2 قولدانىستاعى زاڭناماعا سايكەس, رەيستىڭ توقتاتىلۋى مەن جولاۋشىنى ۋاقىتىندا جەتكىزبەۋ ءۇشىن جاۋاپكەرشىلىك اۋە تاسىمالداۋشىعا جۇكتەلەتىنىن اتاپ ءوتتى. ال تۋروپەراتور تاسىمالداۋدى جۇزەگە اسىرۋعا جاۋاپتى ەمەس.
سوت وۆەربۋكينگكە جول بەرىپ, رەيستى توقتاتقان اۋە كومپانياسىنىڭ ارەكەتتەرىن مورالدىق زياندى وتەۋگە نەگىز دەپ تانىپ, تاسىمالداۋشىدان 50 مىڭ تەڭگە ءوندىرىپ الۋعا شەشىم شىعاردى.
اپەللياتسيالىق سوت ءبىرىنشى ساتىداعى سوتتىڭ قورىتىندىلارىمەن كەلىسىپ, شەشىمدى وزگەرىسسىز قالدىردى.
