600-گە جۋىق ءىرىلى-ۇساقتى ايدىن كولدىڭ بايلىعى بالىققا قۇمارتۋشىلار تەگىن ولجاعا قۇنىعىپ, ءتارتىپ بۇزىپ جاتىر. ەڭ جامانى, كول تەرەڭىندە قالاتىن قىتاي اۋلارى. ۇزىندىعى الدەنەشە مەتر بولاتىن اۋلاردى تابيعات قورعاۋشىلار تاۋىپ, جاعالاۋعا شىعارىپ, زالالسىزداندىرعانىمەن ايدىندا قالاتىندارى دا از ەمەس. بالىقتىڭ قىرىلۋ سەبەبىنىڭ ءبىرى وسى. زاڭسىز بالىق اۋلايتىندار ايىپپۇل ارقالايتىنىن بىلە تۇرا, اياقتارىن تارتاتىن ەمەس. اقمولا وبلىستىق پروكۋراتۋراسى اڭشىلار مەن بالىقشىلار اراسىندا ءتۇسىندىرۋ جۇمىستارىن جۇرگىزىپ جاتىر. وتكەن جىلى 11 قىلمىستىق ءىس قوزعالدى.
وسى دەرەكتەردى اقىل تارازىسىنا سالا كەلە, الدىمەن ادامداردىڭ ساناسىن تازارتۋ كەرەك پە دەگەن وي ورالعانى. قالاي بولعان كۇندە دە ايدىن كول مەن دارحان دالانىڭ كوركى – اڭ-قۇسقا اباي بولۋىمىز كەرەك-اق.
