اقش-تا سيىرعا جاساندى اياق سالىندى (ۆيدەو)

استانا. 25 ناۋرىز. ءۇي جانۋارلارىن ەمدەيتىن نيۋ-يورك قالاسىنىڭ سولتۇستىگىندەگى Woodstock Farm Animal Sanctuary اتتى قۇرىلىمدا الدىڭعى ەكى اياعىن باسا المايتىن سيىرعا پروتەز سالىندى. بۇل تۋرالى vesti.ru حابارلادى. قازىرگى تاڭدا الگى جاساندى اياقتى سيىر تۋرالى تۇسىرىلگەن بەينەجازبا الەۋمەتتىك جەلىلەر ارقىلى جاھانعا جايىلىپ كەتتى. بۇل كورسەتىلىمدى قىزىعا تاماشالاعانداردىڭ ەسەبى جوق. تىڭ «تۋىندىنى» YouTube جەلىسىنە Woodstock Farm Animal Sanctuary مەكەمەسى ورنالاستىرىپتى. سيىر العاشقىدا جاساندى اياقپەن كىبىرتىكتەپ جۇرە المايدى. دەگەنمەن, ساپالى ءارى ىڭعايلى جاسالعان پروتەزگە جانۋار ۇيرەنىپ قالعان. وعان جاساندى اياقتى كۇنىنە 2 ساعات كيگىزەدى ەكەن. فاۋن دەپ اتالاتىن بۇل سيىر ەنەسىنەن تۋعان ساتتەن الدىڭعى ەكى اياعىن باسا الماپتى. ەندى مىنە, جانۋارلاردى قورعاۋشىلار وعان ءتورت اياقتاپ جۇرۋگە مۇمكىندىك بەرىپ وتىر. جالپى, ءجۇرىپ-تۇرۋ مۇمكىندىگى جوق نەمەسە وقىستان قيىندىققا تاپ بولعان جانۋارلارعا ادامداردىڭ كوڭىل اۋدارىپ, كومەك قولىن سوزۋى كوپ كەزدەسەدى. ادامزات مەيىرىمىنىڭ ناتيجەسىندە تىرشىلىگىن قالىپتى كۇيدە جالعاستىرعان ماق ۇلىقتار تۋرالى مىسالدار كوپ. ماسەلەن, تايلاندتا ميناعا ءتۇسىپ قالىپ, اياعىنان ايىرىلعان انالىق پىلگە مال دارىگەرلەرى پروتەز جاساپ بەرگەن. سودان, الگى ءپىل جاساندى اياقتى جاتىرقاماستان, وعان تەز ۇيرەنىپ, كادىمگىدەي ءجۇرىپ كەتكەن كورىنەدى. جولدىباي بازار. دەرەك, سۋرەت: vesti.ru. https://youtu.be/LsGtMqVk8Xs