ءبىلىم بيىكتىكتەرىن باعىندىرۋعا باعىتتايدى

بيىل وڭتۇستىكقازاقستاندىق مەكتەپ بىتىرۋشىلەر ءبىلىم دەڭگەيى جاعىنان ءبىرشاما ىلگەرىلەدى. سالىستىرمالى تۇردە ايتار بولساق, 2014 جىلى ۇلتتىق بىرىڭعاي تەست تاپسىرۋدان وبلىستىڭ ورتاشا بالى 74,5 پايىز بولسا, بيىلعى سىناقتا 78,7 پايىزعا جەتكەن. «التىن بەلگىگە» ۇمىتكەرلەردىڭ 2014 جىلى 38,5 پايىزى عانا ءوز ءبىلىمىن راستاي السا, بيىلعى ۇمىتكەر 1084 وقۋشىنىڭ 56 پايىزى دالەلدەگەن. ناقتى تارازىلاپ ايتار بولساق, سوڭعى ءتورت جىلدىڭ قورىتىندىسى بويىنشا وبلىستىڭ ورتا بالى 11,8 ۇپايعا جوعارىلاپ, «التىن بەلگى» سانى 369 وقۋشىعا ارتقان. وسىنداي جاقسى كورسەتكىشتەرگە بايلانىستى ءبىلىم جانە عىلىم ءمينيسترى ا.ءسارىنجىپوۆ رەسپۋبليكا بويىنشا ۇبت-نى جوعارى دەڭگەيدە ۇيىمداستىرىپ, وتكىزگەنى ءارى جوعارى كورسەتكىشكە يە بولعانى ءۇشىن وبلىس اكىمى ا.مىرزاحمەتوۆ پەن وڭىردەگى پەداگوگتارعا العىس حات جولدادى. «وڭتۇستىك» اقپارات ورتالىعىندا وتكەن بريفينگتە وبلىستىق بiلiم, جاستار ساياساتى جانە تiلدەردi دامىتۋ باسقارماسىنىڭ باسشىسى البينا ەلشيەۆا ءتۇرلى پوزيتسيالار بويىنشا سىناق ناتيجەلەرىن جىلىكتەپ بەردى. البينا بالعابايقىزىنىڭ ايت­قا­نىنداي, جىل سايىن ءوز كۇشى­نە سەنىپ ۇبت تاپسىرۋعا تالپى­ناتىنداردىڭ قاتارى كوبەيىپ كە­لەدى. ماسەلەن, وتكەن جىلى 68,8 پايىز وقۋشى عانا سىناق تاپسىرۋعا بەل بايلاسا, بيىل ولاردىڭ قاتارى 71 پايىزعا ارتقان. بۇعان قوسىمشا 96 وقۋشى حالىقارالىق وليمپيادا جانە عىلىمي جوبالار جارىستارىنىڭ جەڭىمپازى رەتىندە ۇبت تاپسىرۋدان بوساتىلعان. ەرەكشە اتاپ ايتاتىن جايت, ماقتا­ارال اۋدانىنداعى ب.مو­مىش ۇلى مەكتەپ-گيمنازياسى – 35, تۇركىستان قالاسىنداعى دارىندى بالالارعا ارنالعان مەكتەپ-ينتەرناتى – 26 «التىن بەلگى» الدى. جالپى اۋدان, قالالاردىڭ كورسەتكىشتەرى وتكەن جىلدارمەن سالىستىرعاندا جوعارى بولعانىمەن سايرام اۋدانى 1,9 بالعا تومەندەپ وتىر. جوعارى كورسەتكىش كەنتاۋ (99,1), سوزاق (86), تۇركىستان (85) قالا, اۋداندارى بولسا, سايرام (67,1), سارىاعاش (70,4) اۋداندارى تومەن ناتيجەدە قالدى. تۇلكىباس اۋدانىنداعى وبلىستىق دارىندى بالالارعا ارنالعان مەكتەپ-ينتەرناتتى ءبىتىرۋشى لاۋرا ابدازيموۆا 125 بالل الىپ, رەسپۋبليكادا ەڭ جوعارى دەڭگەيدەن كورىندى. بىلتىر 124 بالدى بىردە-ءبىر وقۋشى الا-الماعان بولسا بيىل 5 وقۋشى وسى كورسەتكىشكە جەتتى. 123 بالدى 22 وقۋشى جينادى. – ەلباسى جاستارىمىزدىڭ ءبى­لىمدى بولۋىنا ەرەكشە ءمان بەرىپ, بارلىق جاعدايدى جاساپ وتىر, – دەيدى البينا ەلشيەۆا. – ويتكەنى, ءبىلىمدى ۇرپاق – قازاقستاننىڭ كەمەل كەلەشەگى. مەملەكەت باسشىسىنىڭ تالابىن وبلىس اكىمى اسقار مىر­زاحمەتوۆ پەداگوگتارىمىزعا ءار­دايىم ءتۇسىندىرىپ, ءبىلىم سالاسىن­داعى جاڭا كوكجيەككە شىعۋعا ىنتالاندىرىپ وتىرادى. سوندىقتان, بۇل – ءبىزدىڭ ورتاق جەڭىسىمىز. باقتيار تايجان, «ەگەمەن قازاقستان». شىمكەنت.