سۋرەت: adyrna.kz
مەملەكەت باسشىسى تسيفرلاندىرۋدى جاي تەحنيكالىق ۇدەرىس ەمەس, ستراتەگيالىق مىندەت رەتىندە اتاپ ءوتىپ, جاساندى ينتەللەكت جىلىن جاريالاۋ ارقىلى بۇكىل مەملەكەتتىك اپپاراتقا ناقتى ءارى ولشەمدى ماقسات قويىپ وتىر. بۇل – ەلىمىزدىڭ جاھاندىق تەحنولوگيالىق باسەكەلەستىككە بەيىمدەلۋىنىڭ بەلگىسى.
جۇيەگە جاساندى ينتەللەكت ەنگىزۋدىڭ باستى تيىمدىلىگى – شەشىم قابىلداۋ ۋاقىتىن قىسقارتۋ, ونىمدىلىكتى ارتتىرۋ ءارى مەملەكەتتىك قىزمەت ساپاسىن جاقسارتۋ. پرەزيدەنت وسى باعىتتاعى جۇمىستار ستاتيستيكا ءۇشىن ەمەس, ناقتى ناتيجە ءۇشىن ىسكە اسۋعا ءتيىس ەكەنىن دۇرىس ايتتى.
سونىمەن قاتار «ۇلتتىق تسيفرلىق مۇرا» باستاماسى – وتە دەر كەزىندە كوتەرىلگەن تاقىرىپ. تاريحي, مادەني, عىلىمي قوردى تسيفرلىق فورماتقا كوشىرۋ تەك مۇراعات جۇمىسى ەمەس, ۇلتتىڭ اقپاراتتىق ەگەمەندىگى مەن يدەولوگيالىق تاۋەلسىزدىگىن ساقتايتىن ستراتەگيالىق قادام. الەمدە دەرەككە يەلىك ەتكەن ەل عانا باسەكەگە قابىلەتتى مەملەكەتكە اينالىپ جاتىر. سول سەبەپتى تسيفرلاندىرۋدى ەكونوميكالىق قۇرال رەتىندە عانا ەمەس, ۇلتتىق قاۋىپسىزدىك پەن مادەني تۇتاستىقتىڭ تىرەگى رەتىندە قاراستىرۋ – دۇرىس شەشىم.
جالپى, پرەزيدەنتتىڭ بۇل جولعى ۇستانىمى ەلىمىزدىڭ تسيفرلىق ترانسفورماتسيادا جاڭا كەزەڭگە وتكەنىن كورسەتەدى. ەگەر وسى مىندەتتەر جۇيەلى ورىندالسا, ەلىمىز ايماقتا جي مەن تسيفرلىق تەحنولوگيالاردى دامىتاتىن جەتەكشى ورتالىققا اينالۋ مۇمكىندىگىنە يە بولادى.
مەيىرجان اۋەلحان ۇلى,
ءىت مامانى
