فوتو: pixabay
سوت بارىسىندا 21 جاستاعى رومان سيلتيكوۆ باستاعان توپ وزدەرىن «سۇتتەن اق, سۋدان تازا» ەتىپ كورسەتۋگە تىرىستى. ء«بىز ەشكىمدى الداعان جوقپىز, تەك سۇراعان ادامعا ەسەپشوتتارىمىزدىڭ ءنومىرىن بەردىك. وسى قىلمىس پا؟» دەپ ولار بەت باقتىرماۋعا تىرىستى. ال ەسەپشوتتارىنا تۇسكەن اقشانىڭ قىلمىستىق جولمەن كەلگەنىن «بىلمەي قالعان» بولىپ اقتالدى.
الايدا, سوت بارىسىندا بۇل توپتىڭ 2023 جىلدان بەرى ارەكەت ەتكەندىگى جانە ولار 20 ادامنىڭ 120 ملن تەڭگە اقشاسىنىڭ قولدى بولۋىنا جاعداي جاساعانى انىقتالدى. توپ باسشىسى قاتارىنا ەفيمەنكو, ترەششەۆ, سالحين, زايتسەۆ, رادچەنكو دەگەن سىبايلاستارىن قوسىپ الىپ, الاياقتىڭ جۇرتتى الداپ تۇسىرگەن اقشالارىن ءوز ەسەپشوتارىنا سالعىزىپ, ارتىنان ونىڭ قوماقتى بولىگىن سىياقى رەتىندە الىپ وتىرعان.
بانك شوتىن ەسىرتكى ساتۋشىلارعا بەرگەن 10 دروپپەرگە قاتىستى قىلمىستىق ءىس قوزعالدى
سوت ر.سيلتيكوۆ پەن م.ەفيمەنكونى 6 جىل 8 ايعا, د.ترەششەۆ پەن يۋ.ءسالحيندى 6 جىل 6 ايعا, د.زايتسەۆتى 6 جىلعا جانە م.رادچەنكونى 5 جىل 6 ايعا باس ەركىنەن ايىرۋ تۋرالى ۇكىم شىعاردى.
