فوتو: ءىnbusiness
«قاۋلىمىزعا سايكەس, بۇل دەرەكتەردى 1 اقپاندا رەسمي جاريالايمىز. بۇل دۇنيەگە سابيلەردىڭ كەلۋىنە, كەيبىر بالالاردىڭ ەلدەن كەتىپ, ازاماتتىقتان شىعۋىنا بايلانىستى ەسەپتەلەدى. سوندىقتان ۇكىمەتتەگى ارىپتەستەرىمىزبەن اتالعان قاراجاتتىڭ كىمگە اۋدارىلاتىندىعى قارالادى. الدىن الا دەرەكتەرگە قاراعاندا, سوما وتكەن جىلداعىمەن پارا بار, ءار بالاعا 130 دوللاردان تيەسىلى بولادى», دەدى تيمۋر سۇلەيمەنوۆ.
2025 جىلى ۇلتتىق قورعا قانشا تابىس ءتۇستى؟
2026 جىلدىڭ 1 قاڭتارىنداعى مالىمەتكە سايكەس, قوردىڭ جيىنتىق اكتيۆتەرى 77,77 ملرد دوللاردى قۇراعان.
رەسمي مالىمەتكە سۇيەنسەك, 2025 جىلدىڭ باسىندا ۇلتتىق قوردىڭ جالپى اكتيۆتەرى 29,85 ترلن تەڭگەنى قۇراعان. ەسەپتى كەزەڭدە قور قورجىنى 3,84 ترلن تەڭگەمەن تولىعىپ, ودان 5,95 ترلن تەڭگە جۇمسالعان. وسىلايشا, قوردان الىنعان قاراجات كولەمى تۇسىمنەن 2,1 ترلن تەڭگەگە ارتىق بولىپ وتىر.
ۇلتتىق قور تابىسى مۇناي سەكتورى, سالىق ءتۇسىمى, سونداي-اق پايدالى قازبالاردى ءوندىرۋ سالىعى مەن ەكسپورتقا سالىناتىن رەنتا سالىعى, جەر قويناۋىن پايدالانۋشىلاردىڭ قوسىمشا تولەمدەرى ەسەبىنەن كوبەيگەن.
«بايتەرەك» ۇلتتىق قورعا 23,5 ملرد تەڭگەنى مەرزىمىنەن بۇرىن قايتاردى
ازاماتتار ۇلتتىق قوردان تۇسكەن قاراجاتىن قالاي جۇمساپ جاتىر؟
«ۇلتتىق قور – بالالارعا» باعدارلاماسى قولعا الىنعان ەكى جىل ىشىندە ازاماتتار 28 ملن دوللاردان استام قاراجاتتى پايدالانعان.
بۇل رەتتە اتا-انالار مەملەكەت تاراپىنان بەرىلگەن مۇمكىندىكتى نەگىزىنەن باسپانا ماسەلەسىن شەشۋ مەن بالالارىنىڭ ءبىلىم الۋىنا باعىتتاعان.
يگەرىلگەن قارجىنىڭ باسىم بولىگى, اتاپ ايتقاندا, 18 ملن دوللار تۇرعىن ءۇي جاعدايىن جاقسارتۋعا, ال قالعان 10 ملن دوللار ءبىلىم اقىسىن تولەۋگە جۇمسالعان.
