فوتو: Turizm jane sport ministrligi
جالپىكوماندالىق ەسەپتە توپ جاردى
ازيا چەمپيوناتىنىڭ قورىتىندىسى بويىنشا ءبىزدىڭ مەرگەندەر 14 مەدال (5 التىن, 4 كۇمىس, 5 قولا) ولجالاپ, جالپىكوماندالىق ەسەپتە ءبىرىنشى ورىنعا يە بولدى.
ءۇش الەمدىك جانە ءۇش ازيا رەكوردى
تۋريزم جانە سپورت مينيسترلىگىنىڭ مالىمەتىنشە, جارىس بارىسىندا ەدۋارد ەششەنكو, ادەل ساداقباەۆا, ەلەونورا يبراگيموۆا ءۇش الەمدىك جانە ءۇش ازيا رەكوردىن جاڭارتقان.
التىننان القا تاققاندار
ەل قۇراماسىنان ادەل ساداقباەۆا, قازاقستان ايەلدەر كومانداسى (ادەل ساداقباەۆا, ولگا حايلوۆا, اسەم ورىنباي), قازاقستان ەرلەر كومانداسى (ماكسيم پوچيۆالوۆ, ۆلاديسلاۆ زاۆوديلەنكو, ارتەم رەۆكوۆ), قازاقستان ايەلدەر كومانداسى (ەلەونورا يبراگيموۆا, اناستاسيا پريلەپينا, نارگيزا سارمانوۆا) جانە قازاقستان ەرلەر كومانداسى (دەنيس كريۆەنكو, انتون بەلسكي, ەگور تسارەۆ) التىننان القا تاعىپ,ء انۇرانىمىزدى شىرقاتتى.
كۇمىس جانە قولا
ال ەدۋارد ەششەنكو, ماكسيم پوچيۆالوۆ, ماكسيم بەدارەۆ, ەلەونورا يبراگيموۆا كۇمىسپەن كۇپتەلسە, ولگا حايلوۆا, قازاقستان ەرلەر كومانداسى (راتمير ەنيكەەۆ, ەدۋارد ەششەنكو, يليا پەنكوۆ), قازاقستان ارالاس كومانداسى (ەدۋارد ەششەنكو, اسەم ورىنباي), ۆلاديسلاۆ زاۆوديلەنكو جانە دەنيس كريۆەنكو قولا جۇلدەنى قاناعات تۇتتى.
ۇزدىك ناتيجەمەن ايعاقتادى
وسىلايشا, مەرگەندەر ۇزدىك ناتيجەسىمەن سارى قۇرلىق باسەكەسىندە ەلىمىزدىڭ ستەند اتۋ سپورتىنداعى الەۋەتىن كورسەتىپ, قازاقستاندى ازياداعى كوشباسشى ەلدەردىڭ ءبىرى ەكەنىن ايعاقتادى.
قازىرگى ۋاقىتتا قازاقستاننىڭ سپورتتىق اتۋ فەدەراتسياسىن ەلىمىزدىڭ باس پروكۋرورى بەرىك اسىلوۆ باسقارادى.
