فوتو: instagram.com/ ile_alatau_nationalpark
ۇلتتىق پارك مالىمەتىنشە, بوگدانوۆيچ مۇزدىعى ەرەكشە قورعالاتىن تابيعي اۋماققا جاتادى جانە قورىقتىق رەجيم قولدانىلاتىن ەكولوگيالىق تۇراقتاندىرۋ ايماعىندا ورنالاسقان.
«ەرەكشە قورعالاتىن تابيعي اۋماقتار تۋرالى» زاڭنىڭ 45-بابىنا سايكەس, بۇل اۋماقتا رەتتەلەتىن ەكولوگيالىق تۋريزمنەن وزگە شارۋاشىلىق جانە رەكرەاتسيالىق قىزمەت تۇرلەرىنە تىيىم سالىنادى.
«مەتەورولوگيالىق جاعدايدىڭ قولايسىزدىعىن, قار جامىلعىسىنىڭ قالىڭدىعىن جانە كوشكىن قاۋپى بار ۋچاسكەلەردىڭ بولۋىن ەسكەرە وتىرىپ, اتالعان اۋماقتاردا تۋريستەر مەن ازاماتتاردىڭ ءجۇرۋى ولاردىڭ ءومىرى مەن دەنساۋلىعىنا قاۋىپ ءتوندىرۋى مۇمكىن», دەلىنگەن حابارلامادا.
الماتى وبلىسىنىڭ توتەنشە جاعدايلار دەپارتامەنتى تۇرعىندارعا, تۋريستەرگە, جۇرگىزۋشىلەرگە قاۋىپسىزدىك شارالارىن ساقتاۋدى ەسكەرتتى.
