بوكس. جانقوش تۇراروۆ قارسىلاسىن 7-راۋندتا ۇتتى (ۆيدەو)

استانا. 24 ناۋرىز. كەشە تۇندە قازاقستاندىق كاسىپقوي بوكسشى جانقوش تۇراروۆ كولۋمبيانىڭ بارانكيليا قالاسىندا جەرگىلىكتى اتلەت دۋنيس ليانمەن شايقاسىپ, 7-راۋندتا تەحنيكالىق نوكاۋتپەن جەڭىسكە جەتتى. بۇل تۋرالى Boxingnews.kz حابارلادى. ءبىزدىڭ جەرلەسىمىز ۇرىستىڭ ءبىرىنشى راۋندىنان باسىم كورىندى. ول ەكىنشى راۋندتا قارسىلاسىن ەكى رەت نوكداۋنعا ءتۇسىردى. ال ءۇشىنشى راۋندتا شارشى الاڭداعى جاعداي تەڭەسكەندەي بولدى. بىراق 4, 5-راۋندتاردا جانقوش ازداعان باسىمدىقپەن ارتىق كورىندى. ول 7-راۋندتا كولۋمبيالىقتى تاعى ءبىر رەت نوكداۋنعا جىبەردى. سودان كەيىنگى راۋندتا قازاقستاندىقتىڭ قارشا جاۋعان سوققىسىنان كەيىن رەفەري شايقاستى توقتاتۋعا ءماجبۇر بولدى. ءسويتىپ, 24 جاسار سپورتشىمىز تەحنيكالىق نوكاۋتپەن جەڭىسكە جەتتى. ەسكە سالا كەتەيىك, وسى كۇنى تاعى ءبىر قازاقستاندىق بوكسشى - قانات يسلام دا كولۋمبيالىق بوكسشىمەن – ورلاندو دە حەسۋس ەسترادامەن كەزدەسىپ, نوكاۋتپەن ۇتقان بولاتىن. دامير قوجامقۇل. https://youtu.be/end7Q-MHWYA