فوتو: الماتى قالاسى اكىمدىگى
باعدارلاما الماتى قالاسى مەن ءوڭىردىڭ نەگىزگى تۋريستىك نىساندارى كوكتوبە, شىمبۇلاق, مەدەۋ, كوك بازار, كولساي كولدەرى مەن وزگە دە كورنەكتى ورىندا تاسپالانعان.
قالا اكىمدىگىنىڭ مالىمەتىنشە, الماتىدا تۇسىرىلگەن شىعارىلىم اقپان ايىنىڭ باسىندا SBS تەلەارناسىنان ۇسىنىلادى.
وڭتۇستىككورەيالىق ءتۇسىرىلىم توبىنا Almaty Tourism Bureau كومانداسى قولداۋ كورسەتىپ, ۇيىمداستىرۋ جۇمىستارىنا قول ۇشىن سوزعان.
«جوبا حالىقارالىق دەڭگەيدەگى ماڭىزدى اقپاراتتىق وقيعاعا اينالىپ, شەتەلدىك اۋديتوريانىڭ الماتىنىڭ تۋريستىك الەۋەتىنە دەگەن قىزىعۋشىلىعىن ارتتىردى», دەلىنگەن قالا اكىمدىگى تاراتقان حابارلامادا.
ايتا كەتەيىك, بۇعان دەيىن شىمبۇلاق پەن مەدەۋگە شەتەلدىكتەر ءتانتى بولىپ, الماتى Viajar جۋرنالىنىڭ تىزىمىنە ەنگەنىن حابارلاعانبىز.
الماتىنىڭ اسەم تابيعاتى Vogue باسىلىمىنىڭ دا نازارىن اۋدارىپ, ەڭ ۇزدىك 14 باعىت قاتارىنا قوسقان ەدى.
