فوتو Depositphotos.com
ىلە-الاتاۋ مەملەكەتتىك ۇلتتىق تابيعي پاركى مەن «ەرتىس ورمانى» مەملەكەتتىك مەكەمەسىنىڭ لاۋازىمدى تۇلعالارى ۋسپەنكا جانە پودنەبەسنوە ەلدى مەكەندەرىنىڭ جايىلىمدىق القاپتارىنا زاڭسىز دايىندالعان اعاش ماتەريالدارىن ورنالاستىرعان.
«اتالعان جەر ۋچاسكەلەرى «ەرتىس ورمانى» مەكەمەسىنە رەسمي تۇردە پايدالانۋعا بەرىلمەگەن. زاڭ بۇزۋشىلىققا جول بەرگەن 2 لاۋازىمدى تۇلعا اكىمشىلىك جاۋاپكەرشىلىككە تارتىلىپ, ايىپپۇل سالىندى. سونىمەن قاتار نوۆوشۋلبا فيليالىنا قاراستى ۋسپەنكا ورمانشىلىعى اۋماعىندا «قاراعاي» تۇقىمداس 92 اعاش زاڭسىز كەسىلگەنى انىقتالدى. زاڭسىز كەسۋ اۋماعى 96,7 شارشى مەتردى قۇراعان. كەلتىرىلگەن ماتەريالدىق زالال كولەمى 760 مىڭ تەڭگەدەن اسادى», دەلىنگەن پروكۋراتۋرا تاراتقان حابارلامادا.
قازىرگى ۋاقىتتا تەرگەۋ امالدارى جالعاسىپ جاتىر.
