جيىن اياسىندا قوعامدىق ءتارتىپتى قامتاماسىز ەتۋ مەن پروفيلاكتيكالىق جۇمىستىڭ تيىمدىلىگىن ارتتىرۋعا باعىتتالعان كەشەندى شارالار باياندالدى. سونىڭ ناتيجەسىندە تىركەلگەن قىلمىستاردىڭ سانى ازايىپ, ولاردىڭ اشىلۋ دەڭگەيى ارتقان. اتاپ ايتقاندا, قوعامدىق ورىنداردا جاسالعان قىلمىستار 20%, كوشەلەردەگى قىلمىستار 24% تومەندەگەن. ال جول-كولىك وقيعالارى سالدارىنان بولاتىن ءولىم دەڭگەيى 25% كەمىگەن.
قۇقىق بۇزۋشىلىقتاردىڭ الدىن الۋ ماقساتىندا پاترۋلدەۋ باعىتتارى قايتا قارالىپ, جاياۋ پاترۋلدەر سانى ارتتى. پروفيلاكتيكالىق شارالاردان كەيىن 11 ويىن-ساۋىق مەكەمەسى ءوز قىزمەتىن توقتاتتى.
پوليتسيا دەپارتامەنتى وكىلدەرىنىڭ ايتۋىنشا, قالا اۋماعىندا قازىرگى تاڭدا 198 مىڭنان استام بەينەباقىلاۋ كامەراسى جۇمىس ىستەيدى, ونىڭ 41 مىڭنان استامى جەدەل باسقارۋ ورتالىعىنا قوسىلعان. جول قوزعالىسى قاۋىپسىزدىگىن ارتتىرۋ ماقساتىندا 215 جاياۋ جۇرگىنشى وتكەلىندە تۇنگى ۋاقىتتا جارىق بەرەتىن زاماناۋي جۇيەلەر ورناتىلدى. سونداي-اق «ارگۋس. جاياۋ جۇرگىنشى وتكەلى» اپپاراتتىق-باعدارلامالىق كەشەنى ءوزىنىڭ وڭ ناتيجەسىن كورسەتكەن. جول-كولىك وقيعالارىن تالداۋ بارىسىندا اتالعان كەشەندى تاعى 50 ۋچاسكەگە ورناتۋ ۇسىنىلىپ, ول قالا اكىمدىگى تاراپىنان قولداۋ تاپتى.
بۇدان بولەك, 2025 جىلدىڭ ءساۋىر ايىنان باستاپ بەس ءموبيلدى «Ekin Patrol» كەشەنى پايدالانۋعا بەرىلىپ, ولاردىڭ كومەگىمەن 30 مىڭنان استام قۇقىق بۇزۋشىلىق انىقتالعان. كۇندەلىكتى قىزمەتتە پيلوتسىز ۇشۋ اپپاراتتارى دا ءتيىمدى قولدانىلىپ كەلەدى. دروندارمەن 17 قىلمىس اشىلىپ, 879 اكىمشىلىك قۇقىق بۇزۋشىلىق تىركەلىپتى.
پوليتسيا دەرەگى: الاياقتاردىڭ ارباۋىنا كوبىندە كىمدەر ىلىنەدى؟
