كوللاجدى جاساعان قونىسباي شەجىمباي, «EQ»
پرەزيدەنتتىڭ ايتۋىنشا, سوڭعى ۋاقىتتا ونىڭ اتىنا جەكەمەنشىك مەكتەپتەردى قارجىلاندىرۋ مەحانيزمىنە قاتىستى ازاماتتاردان تۇسەتىن ساۋالدار جيىلەگەن. مەملەكەت باسشىسى بۇل ماسەلەگە قاتىستى ءوز ۇستانىمىن جاقىندا «Turkistan» گازەتىنە بەرگەن سۇحباتىندا دا بىلدىرگەن بولاتىن.
مىندەتتى مەديتسينالىق ساقتاندىرۋ قورى نەگە قارجى مينيسترلىگىنە بەرىلدى؟
جەكەمەنشىك مەكتەپتەرگە جۇرگىزىلگەن اۋديت قورىتىندىسى بويىنشا جان باسىنا شاققانداعى قارجىلاندىرۋ ادىستەمەسىنىڭ كەمەلسىزدىگىنەن زاڭسىز ءارى نەگىزسىز شىعىندارعا جول بەرىلگەنى انىقتالدى. وسىعان بايلانىستى مەملەكەت باسشىسى ۇكىمەتكە ءبىلىم بەرۋ سالاسىن مەملەكەتتىك قارجىلاندىرۋ تەتىگىن شۇعىل رەفورمالاۋ مىندەتىن جۇكتەدى.
«ۇكىمەتتىڭ الدىنا ءبىلىم بەرۋ سالاسىن مەملەكەتتىك قارجىلاندىرۋ تەتىگىن شۇعىل رەفورمالاۋ مىندەتى قويىلدى. قارجىلاندىرۋدىڭ ناقتى كريتەريلەرىن قالىپتاستىرۋ قاجەت. بۇل رەتتە ورتا ءبىلىم بەرۋ جۇيەسىن دامىتۋداعى بيزنەستىڭ وڭ ءرولىن ەسكەرۋ كەرەك», دەدى قاسىم-جومارت توقاەۆ.
ەستەرىڭىزگە سالا كەتەيىك, بۇگىن ۇلتتىق قۇرىلتايدىڭ V وتىرىسى ءوتتى. مەملەكەت باسشىسى جاڭا پارلامەنتتىڭ اتاۋىن «قۇرىلتاي» دەپ اتاۋدى ۇسىندى.
