«جالپى, ديپلوماتيادا قاتە قابىلدانعان شەشىمنىڭ قۇنى تىم جوعارى. ول مەملەكەتتىڭ ۇزاق مەرزىمدى مۇددەسىنە ورنى تولماس زيان كەلتىرۋى مۇمكىن. مۇنى ءبىز ءوز تاجىريبەمىزدەن جاقسى بىلەمىز. ەكونوميكادا ءبىر باعدارلامانى نەمەسە تۇجىرىمدامانى باسقا قۇجاتتارمەن الماستىرۋعا بولادى, وكىنىشكە قاراي, بىزدە بۇل ءجيى كەزدەسەدى. ال حالىقارالىق شارتتارداعى قولتاڭبانى كەرى قايتارىپ الۋ, ادەتتە, مۇمكىن ەمەس. قالاممەن جازىلعاندى بالتامەن شاپپايسىڭ. ءبىزدىڭ تۇسىنىگىمىزدە ديپلوماتيا – ىمىرا مەن كەلىسىمگە جەتۋدىڭ ەڭ ماڭىزدى, ءتىپتى بالاماسى جوق قۇرالى. ول قاقتىعىسقا نەمەسە داۋعا اپاراتىن جول ەمەس. كەز كەلگەن جانجال شىنايى نيەت پەن كاسىبي بىلىكتىلىك بولعان جاعدايدا ەڭسەرىلەدى», دەدى مەملەكەت باسشىسى.
مەملەكەت باسشىسى جاڭا پارلامەنتتىڭ اتاۋىن «قۇرىلتاي» دەپ اتاۋدى ۇسىندى
پرەزيدەنت سونداي-اق يبراھيم كەلىسىمدەرىنە قوسىلۋ جونىندەگى شەشىمنىڭ مانىنە توقتالدى.
«مەن يبراھيم كەلىسىمدەرىنە قوسىلۋ تۋرالى شەشىم قابىلدادىم. مۇنداي كەلىسىمدەردىڭ ءوزى – ديپلوماتياداعى تىڭ جاڭالىق. ول پرەزيدەنت ترامپتىڭ تاريحي كونتەكستى جانە قازىرگى ساياسي شىندىقتى تەرەڭ تۇسىنۋىنەن تۋىندادى. يبراھيم كەلىسىمدەرىنىڭ تاياۋ شىعىستا ورنىقتى بەيبىتشىلىك ورناتۋعا ىقپال ەتەتىنىنە جانە بۇل شەشىمنىڭ دۇرىستىعىنا سەنىمدىمىن», دەدى قاسىم-جومارت توقاەۆ.
ورتالىق ازياداعى رەكورد: قازاقستاننىڭ ىشكى جالپى ءونىمى 300 ملرد دوللاردان استى
مەملەكەت باسشىسى بۇل كەلىسىمنىڭ اتاۋىنىڭ وزىندە تەرەڭ ماعىنا بار ەكەنىن اتاپ ءوتتى.
«بۇل كەلىسىمنىڭ تۇپكى ءمانىن ءتۇسىنۋ ءۇشىن ونىڭ اتاۋىنا نازار اۋدارۋىمىز كەرەك. اۆراام, ياعني يبراھيم – يۋدايزم, حريستيان جانە يسلام دىندەرىنە ورتاق پايعامبار. ەلىمىز بۇكىل ادامزاتتى بىرىكتىرەتىن قۇندىلىقتارعا سۇيەنۋى ءتيىس. ءبىز ءتۇرلى حالىقتار مەن ءدىن وكىلدەرى اراسىندا تاتۋلىقتىڭ بولعانىن قالايمىز. سوندىقتان بۇل كەلىسىمگە قوسىلۋدىڭ ءمان-ماعىناسى ايرىقشا. بۇل قادام ەلىمىزدىڭ حالىقارالىق بەدەلىنە وڭ سەرپىن بەرەدى», دەدى پرەزيدەنت.
