فوتو: instagram.com/janibek_alimkhanuly
ونىڭ ايتۋىنشا, ەلىمىزدىڭ كاسىبي بوكس فەدەراتسياسى تارتىپتىك كوميسسيانىڭ العاشقى تىڭداۋىن وتكىزگەن. اتالعان جيىندا ماتەريالداردى باستاپقى باعالاۋ, پروتسەدۋرالىق اسپەكتىلەردى تەكسەرۋ جانە دالەلدەمەلەر بازاسىنىڭ تولىقتىعى تەكسەرىلگەن.
«وسى كەزەڭدە دە ءىستى تەك ءبىر عانا اناليتيكالىق ناتيجەگە سۇيەنە وتىرىپ, رەسمي تۇردە قاراۋ مۇمكىن ەمەس ەكەنى بەلگىلى بولدى. تىڭداۋ بارىسىندا ساراپتامالىق, مەديتسينالىق جانە قۇقىقتىق باعالاۋدى قاجەت ەتەتىن قوسىمشا ءمان-جايلار بارى انىقتالدى. سوندىقتان تارتىپتىك كوميسسيانىڭ توراعاسى رەتىندە مەن 23 قاڭتارعا قايتا سوت وتىرىسىن تاعايىنداۋ تۋرالى شەشىمدى قولدادىم», دەپ جازدى راحىمجان ەردەنبەكوۆ.
تارتىپتىك كوميسسيا قۇرامىندا فەدەراتسيا, مەملەكەتتىك سپورت ورگانى, ۇلتتىق دوپينگكە قارسى ورتالىق, مەديتسينالىق كوميسسيا جانە حالىقارالىق تورەشى وكىلدەرى بار. راحىمجان ەردەنبەكوۆ بارلىق پروتسەدۋرا اياقتالعانعا دەيىن كوميسسيا جانىبەك ءالىمحان ۇلىنىڭ ماسەلەسىنە قاتىستى قانداي دا ءبىر قورىتىندى شىعا المايتىنىن ەسكەرتتى.
ەسكە سالايىق, «The Ring magazine» باسىلىمى WBO جانە IBF تۇجىرىمدارى بويىنشا ورتا سالماقتاعى الەم چەمپيونى جانىبەك ءالىمحان ۇلى كەزەكتى جەكپە-جەگى الدىنداعى دوپينگ تەستىنەن وتپەي قالعانىن حابارلاعان ەدى.
ەل بوكسشىسى 12 قاراشا كۇنى دوپينگ سىناماسىن تاپسىرعان ەدى.
ال WBO جانىبەك ءالىمحان ۇلىنىڭ دوپينگ داۋىنا قاتىستى تەكسەرىستى باستادى.
«Qazaq Style» كومانداسى بۇل جاڭالىقتى ەستىگەندە تاڭعالعانىن جاسىرمادى.
ەلىمىزدىڭ سپورت جانە تۋريزم مينيسترلىگى ماسەلەگە ارالاسىپ, قاجەتتى شارالاردى ورىنداۋ ءۇشىن وتانداسىمىزعا قولداۋ كورسەتەتىنىن مالىمدەدى.
قازاقستان كاسىبي بوكس فەدەراتسياسىنىڭ پرەزيدەنتى دە دوپينگ داۋىنا قاتىستى پىكىر ءبىلدىردى.
ال بەلگىلى باپكەر جۇمابەك ومىرزاقوۆ جانىبەك ءالىمحان ۇلى ەندىء ىرى جەكپە-جەكتەر وتكىزبەۋى ىقتيمال ەكەنىن ايتتى.
