فوتو: pixabay.com
اۆياتسيا ساراپشىسى اندرەي پاتراكوۆتىڭ ايتۋىنشا, ەسكى ۇشاقتاردى قايتا ىسكە قوسۋ – جولاۋشىلار اعىنىنىڭ ارتۋى مەن اۋە تەحنيكاسىنىڭ تاپشىلىعىن وتەۋگە باعىتتالعان امال. كونسەرۆاتسيادان شىعارىلعان ۇشاقتار اۋە كومپانيالارىنا جاڭا لاينەرلەردى ۇزاق كۇتپەي-اق, اۋە پاركىن جەدەل ۇلعايتۋعا مۇمكىندىك بەرەدى جانە پەرسونالدى قايتا بەيىمدەۋ ۋاقىتىن قىسقارتادى.
«روستەح» كومپانياسىندا بارلىق قايتا پايدالانۋعا بەرىلەتىن ۇشاقتاردىڭ جاسى 30 جىلدان اسپايتىنىن اتاپ ءوتتى. اۋە كەمەلەرى تولىق تەحنيكالىق تەكسەرىستەن, جوسپارلى جوندەۋدەن جانە جۇيەلەردى جاڭعىرتۋدان وتەدى. كومپانيا وكىلدەرىنىڭ ايتۋىنشا, بۇل شارالار قولدانىستاعى ۇشاقتارعا تۇسەتىن جۇكتەمەنى ازايتىپ, جولاۋشىلار تاسىمالىنىڭ سەنىمدىلىگىن ارتتىرۋعا مۇمكىندىك بەرەدى.
كونسەرۆاتسيادان شىعارۋ باعدارلاماسى ىشكى رەيستەرمەن قاتار حالىقارالىق باعىتتاردى دا قامتيدى. الداعى ەكى جىل ىشىندە بىرقاتار لاينەرلەر اۋە كومپانيالارىنىڭ پاركىنە قوسىلادى دەپ كۇتىلىپ وتىر. بۇل اۋە تەحنيكاسى تاپشىلىعىن ازايتىپ, جولاۋشىلار اعىنى جوعارى جاعدايدا اۆياتسيا سالاسىنىڭ تۇراقتى جۇمىسىن قامتاماسىز ەتۋگە سەپ بولماق.
