كەزدەسۋ بارىسىندا پارلامەنتاريزم ينستيتۋتىنىڭ ديرەكتورى ناتاليا پان ازاماتتاردان, ساراپشىلاردان جانە قوعامدىق بىرلەستىكتەردەن e-Otinish پەن eGov ەلەكتروندى پلاتفورمالارى ارقىلى جولدانعان ۇسىنىستار جونىندە بايانداما جاسادى. ونىڭ ايتۋىنشا, باستامالار ەلدەگى ساياسي جۇيەنى جاڭعىرتۋعا, مەملەكەتتىك باسقارۋ تەتىكتەرىن جەتىلدىرۋگە جانە بيلىك پەن قوعام اراسىنداعى بايلانىستى كۇشەيتۋگە باعىتتالعان.
بىرنەشە ايدىڭ ىشىندە كونستيتۋتسيالىق رەفورماعا قاتىستى بارلىق ساياسي پارتيالار, ونداعان ۇكىمەتتىك ەمەس ۇيىم, بيزنەس-قوعامداستىق وكىلدەرى, قۇقىقتانۋشى عالىمدار مەن سالالىق ساراپشىلار ءوز كوزقاراسى مەن ناقتى ۇسىنىستارىن ۇسىنعان. ۇسىنىستاردىڭ ءبىر بولىگى پارلامەنتتىڭ ءرولىن كۇشەيتۋگە, وكىلەتتىكتەردى قايتا بولۋگە جانە ساياسي ينستيتۋتتاردىڭ تيىمدىلىگىن ارتتىرۋعا قاتىستى.
پارلامەنتتىك رەفورمادان بولەك, جۇمىس توبىنا ازاماتتاردان مەملەكەتتىك قۇرىلىمنىڭ جالپى ماسەلەلەرى, سونداي-اق ساياسي جانە قوعامدىق ينستيتۋتتاردى دامىتۋ جولدارى جونىندە شامامەن 1,6 مىڭ ۇسىنىس كەلىپ تۇسكەن. بۇل باستامالار الداعى رەفورمالاردىڭ مازمۇنىن ايقىنداۋدا ەسكەرىلەتىنى اتاپ ءوتىلدى.
