فوتو: كولىك مينيسترلىگى
تونناسىنا 1 000 دوللار
كولىك مينيسترلىگى ەنەرگەتيكا مينيسترلىگىمەن بىرلەسىپ, «قازمۇنايگاز – اەرو» كومپانياسىنىڭ اۋەجاي ينفراقۇرىلىمىنا, ونىڭ ىشىندە وڭىرلىك اۋەجايلارعا تىكەلەي قولجەتىمدىلىگىن قامتاماسىز ەتتى.
قابىلدانعان شارالاردىڭ ناتيجەسىندە قازاقستان اۋەجايلارىندا اۋە كەروسيندى وتكىزۋ باعاسى تونناسىنا 1 000 دوللاردان اسپايدى. جاڭارتىلعان باعا بويىنشا Turkish Airlines, Fly Dubai, Air Cairo, Somon Air, AJet, Pegasus Airlines, Red Sea Airlines, One Air, Hungary Airlines, Fly Meta اۋە كومپانيالارى جانارمايمەن قامتاماسىز ەتىلدى.
باعا ودان ءارى ارزاندايدى
«قازمۇنايگاز – اەرو» دەلدالدارسىز اۋە كومپانيالارىنا تىكەلەي جانارماي قۇيۋ كولەمىن ۇلعايتۋدى جوسپارلاپ وتىر. وسىعان بايلانىستى اۋە كەروسين باعاسىنىڭ كەزەڭ-كەزەڭىمەن ودان ءارى تومەندەۋى كۇتىلەدى.
قازىرگى ۋاقىتتا وتاندىق اۋە كومپانيالارى قىزمەت كورسەتەتىن كورشىلەس مەملەكەتتەردە اۋە كەروسين باعاسى تونناسىنا 1 200-1 300 دوللار ارالىعىندا تۇر.
قازاقستاندا 2026 جىلى قانداي جاڭا اۋەجايلار مەن اۋە رەيستەرى ىسكە قوسىلادى
«اشىق اسپان» رەجيمى
سونىمەن قاتار, قازاقستاننىڭ 17 اۋەجايىندا رەيستەر سانى مەن باعىتتارعا قويىلاتىن شەكتەۋلەردى الىپ تاستايتىن «اشىق اسپان» رەجيمى قولدانىلادى. بۇل رەجيم شەتەلدىك اۋە كومپانيالارىنا اۋە ەركىندىگىنىڭ بەسىنشى دارەجەسىن پايدالانا وتىرىپ, قازاقستانعا جانە ونىڭ اۋماعى ارقىلى ۇشۋلاردى ورىنداۋ قۇقىعىن بەرەدى.
اتالعان شارالار اۆياتسيا سالاسىندا وڭىرلىك كوشباسشىلىقتى نىعايتۋعا جانە ەلدىڭ ترانزيتتىك الەۋەتىن دامىتۋعا ىقپال ەتەدى.
اۋە رەيستەرى مەن پويىزداردىڭ سانى ارتادى: بيلەت قۇنى قىمباتتاي ما؟
