فوتو: diapazon.kz
اكىمشىلىك پوليتسيا كوميتەتى تاراتىلىپ جاتقان اقپاراتتاردا قۇقىقتىق ۇعىمدار ادەيى اۋىستىرىلىپ جاتقانىن, ەلىمىزدىڭ زاڭناماسىندا يەسىز جانۋارلاردى تاماقتاندىرۋ فاكتىسى ءۇشىن اكىمشىلىك جاۋاپكەرشىلىك كوزدەلمەگەنىن ءتۇسىندىردى.
«اكىمشىلىك جاۋاپكەرشىلىك تاماقتاندىرۋ ارەكەتىنىڭ ءوزى ءۇشىن ەمەس, تەك ناقتى ءىس-ارەكەتتەردىڭ سالدارى بولعان جاعدايدا تۋىنداۋى مۇمكىن. ماسەلەن, تاماقتاندىرۋدان كەيىن تاعام قالدىقتارى قالسا, اۋلالار, ساياباقتار, سكۆەرلەر جانە وزگە دە ورتاق پايدالانىلاتىن ورىندار لاستانسا, ەگەر ازامات ءىس جۇزىندە رۇقسات ەتىلمەگەن قوقىس تاستاسا جاۋاپكەرشىلىككە تارتىلادى», دەلىنگەن حابارلامادا.
جاپونيادا زووباق قىزمەتكەرلەرى اڭ كوستيۋمىن كيىپ ونەر كورسەتتى
كوميتەت تۇسىندىرمەسىندەگى ارەكەتتەر بولعان جاعدايدا اكىمشىلىك قۇقىق بۇزۋشىلىق تۋرالى كودەكسكە ساي 10 ايلىق ەسەپتىك كورسەتكىش مولشەرىندە (اەك) ايىپپۇل سالىنىپ نەمەسە 40 ساعاتقا دەيىنگى مەرزىمگە قوعامدىق جۇمىستارعا تارتۋ شاراسى قولدانىلادى.
ال قۇقىق بۇزۋشىلىق قايتا جاسالعان جاعدايدا 20 اەك مولشەرىندە ايىپپۇل سالىنادى نەمەسە ءتارتىپ بۇزۋشى 80 ساعاتقا دەيىن قوعامدىق جۇمىستارعا تارتىلادى.
«ەرتىس ورمانىندا» جابايى جانۋارلارعا قىسقى ازىق ورىندارى ۇيىمداستىرىلىپ جاتىر
وسىعان بايلانىستى AntiFake ورتالىعى ازاماتتاردى قۇقىق نورمالارىن بۇرمالايتىن اقپاراتتى تاراتپاۋعا, ەموتسيونالدى پىكىرلەرگە ەرمەۋگە جانە رەسمي تۇسىندىرمەلەرگە سەنۋگە شاقىرىپ وتىر.
قىزىلقۇم ارقارى مەن ەۋروپالىق قۇندىز ازايىپ بارادى: سيرەك كەزدەسەتىن جانۋارلار قالاي قورعالادى؟
