فوتو: استانا قالاسى اكىمدىگى
بۇل شاقىرتۋلار تالاپكەردىڭ جەكە ءوتىنىشى نەگىزىندە ەمەس, جوعارى وقۋ ورىندارىنىڭ ءوز باستاماسىمەن جولدانعان.
شاقىرتۋ جولداعان ۋنيۆەرسيتەتتەردىڭ قاتارىندا Ivy League قۇرامىنا كىرەتىن Harvard University مەن Brown University, سونداي-اق University of Cambridge, Stanford University, Massachusetts Institute of Technology (MIT) جانە الەمدىك بەدەلدى رەيتينگتەردە كوش باستاپ تۇرعان وزگە دە الدىڭعى قاتارلى جوعارى وقۋ ورىندارى بار.
استانالىق وقۋشى شاحماتتان وتكەن الەم چەمپيوناتىندا كۇمىس مەدال يەلەندى
ۋنيۆەرسيتەتتەر ايالانىڭ اكادەميالىق جانە زەرتتەۋشىلىك الەۋەتىن الدىن الا جان-جاقتى سارالاپ, سونىڭ نەگىزىندە وقۋعا شاقىرعان. مۇنداي تاجىريبە الەمدىك جوعارى ءبىلىم بەرۋ كەڭىستىگىندە سيرەك كەزدەسەدى جانە تالاپكەرگە كورسەتىلگەن جوعارى سەنىمنىڭ ايقىن دالەلى سانالادى.
وقۋشىعا ۇسىنىلعان قارجىلىق قولداۋدىڭ جالپى كولەمى 2 ميلليون اقش دوللارىن قۇرايدى. اتالعان قاراجات وقۋ شىعىندارىن تولىق نەمەسە ءىشىنارا وتەۋگە مۇمكىندىك بەرەدى.
ايالانىڭ اكادەميالىق جولى 8-سىنىپتان باستالعان. وسى ۋاقىت ارالىعىندا ول حالىقارالىق ءبىلىم بەرۋ باعدارلامالارىنا, اكادەميالىق جانە عىلىمي-زەرتتەۋ جوبالارىنا تۇراقتى تۇردە قاتىسقان. ۋنيۆەرسيتەتتەردەن رەسمي شاقىرتۋ العانعا دەيىن ءارتۇرلى ەلدەردەن كەلگەن قاتىسۋشىلارمەن بىرلەسىپ حالىقارالىق جوبانى ىسكە اسىرىپ, ونى پراكتيكالىق دەڭگەيدە جۇزەگە اسىرعان. جوباعا ينۆەستيتسيا تارتىلىپ, ناقتى ناتيجەگە قول جەتكىزىلگەن.
جاس ونەرتاپقىشتاردىڭ الەۋەتى: يدەيالار نەلىكتەن وندىرىسكە جەتپەي قالادى؟
قازىرگى تاڭدا ايالا كانادادا ورنالاسقان كومپانيادا وسى جوبا اياسىندا جۇمىس ىستەپ, مەكتەپتەگى وقۋىن كاسىبي قىزمەتپەن قاتار الىپ ءجۇر. سونىمەن قاتار ول 11-ءشى سىنىپ وقۋشىسى بولا تۇرا, ۋنيۆەرسيتەتتىك كۋرستاردان ءوتىپ, بولاشاقتا ەسەپتەلەتىن اكادەميالىق كرەديتتەردى الدىن الا مەڭگەرىپ جاتىر.
