فوتو: اقوردا
بۇگىن, 2026 جىلدىڭ 16 قاڭتارىندا وتكەن مەملەكەتتىك ماڭىزى بار جيىندا الەكساندر لۋكاشەنكو « ۇلى تاس» قىتاي-بەلارۋس يندۋستريالىق پاركى اكىمشىلىگىنىڭ جاڭا باسشىسىن تاعايىنداۋ كەزىندە كۇتپەگەن مالىمدەمە جاسادى.
قىتايمەن بىرلەسكەن اۋقىمدى جوبانى تالقىلاۋ بارىسىندا ول تىلدىك كەدەرگىلەردى جويۋ ماسەلەسىنە توقتالىپ, قازاقستان پرەزيدەنتىنىڭ كاسىبيلىگىن مىسالعا كەلتىردى.
«مىنە, بىزدە قازاقستان پرەزيدەنتى توقاەۆ كەزىندە اۋدارماشى بولىپ جۇمىس ىستەگەن. ول قىتاي ءتىلىن جەتىك بىلەدى. قازاقستان پرەزيدەنتى – وتە اقىلدى, پاراساتتى ادام. ول دا قۇداي ەمەس, بىراق ۇيرەندى عوي. دەمەك, ۇيرەنۋگە بولادى», دەدى الەكساندر لۋكاشەنكو شەنەۋنىكتەرگە جىگەر بەرە وتىرىپ.
ايتا كەتەيىك, وسىعان دەيىن الەكساندر لۋكاشەنكو كەلەسى پرەزيدەنتتىك مەرزىمگە تۇسپەيتىنىن رەسمي تۇردە جاريالاعان بولاتىن.
