فوتو: اشىق دەرەككوز
اق ۇيدە وتكەن جابىق كەزدەسۋ مەن سالتاناتتى تۇسكى اس كەزىندە ۆەنەسۋەلالىق ساياساتكەر ماريا كورينا ماچادو ءوزىنىڭ نوبەل بەيبىتشىلىك سىيلىعىن دونالد ترامپقا بەردى. بۇل ەرەكشە قادام تۋرالى ترامپ ءوزىنىڭ Truth Social الەۋمەتتىك جەلىسىندەگى پاراقشاسىندا جازدى.
«بۇگىن ۆەنەسۋەلانىڭ باتىل قىزى ماريا كورينا ماچادومەن جۇزدەسۋ مەن ءۇشىن زور مارتەبە بولدى. ول – تاعدىردىڭ تالاي تاۋقىمەتىن جەڭگەن قايسار تۇلعا. ماريا مەنىڭ اتقارعان ەڭبەگىمدى جوعارى باعالاپ, ءوزىنىڭ نوبەل سىيلىعىن ماعان تارتۋ ەتتى. بۇل – شىنايى قۇرمەت پەن دوستىقتىڭ بەلگىسى. راقمەت ساعان, ماريا!», دەپ جازدى اقش پرەزيدەنتى.
ەسكە سالا كەتەيىك, بۇعان دەيىن ماچادو بۇل بەدەلدى ماراپاتتى ترامپپەن بولىسۋگە نيەتتى ەكەنىن اشىق ايتقان ەدى. دەگەنمەن نوبەل كوميتەتى قاتاڭ ەرەجەلەرگە سۇيەنىپ, سىيلىقتىڭ باسقا ادامعا بەرىلۋى نەمەسە ءبولىنۋى مۇمكىن ەمەس ەكەنىن رەسمي تۇردە ەسكەرتكەن بولاتىن. كوميتەت شەشىمىنە قاراماستان, ماچادو ءوز سىيلىعىن ترامپقا جەكە تارتۋ رەتىندە تابىستاۋدى ءجون كورگەن.
نوبەل كوميتەتى: بەيبىتشىلىك سىيلىعىن ترامپقا بەرۋ مۇمكىن ەمەس
ماريا كورينا ماچادو ۆەنەسۋەلادا دەموكراتيا ورناتۋ جولىنداعى جانقيارلىق كۇرەسى ءۇشىن نوبەل بەيبىتشىلىك سىيلىعىنىڭ لاۋرەاتى اتانعان. 2025 جىلدىڭ جەلتوقسانىندا وسلودا وتكەن سالتاناتتى راسىمدە ماراپاتتى ونىڭ قىزى انا كورينا سوسا قابىلداپ العان ەدى.
ترامپ يرانمەن كاسىپ جۇرگىزەتىن بارلىق ەلگە 25 پايىزدىق باج سالىعىن ەنگىزدى
