ءىس ماتەريالدارىنا ساي تارازداعى مەكتەپتەردىڭ بىرىندە 9-سىنىپ وقيتىن كامەلەتكە تولماعان ر. ەسىمدى ازامات قاتارلاسى ا. ەسىمدى ازاماتپەن جانجالداسىپ, قۇرداسىنا كۇش قولدانعان. ناتيجەسىندە ول مويىن جاراقاتىنان وقيعا ورنىندا كوز جۇمعان ەدى.
سوتتا ايىپتالۋشىنىڭ كىناسى كۋالاردىڭ ايعاقتارىمەن, سوت-مەديتسينالىق ساراپتامالاردىڭ قورىتىندىلارىمەن جانە زاتتاي دالەلدەمەلەرمەن دالەلدەندى. سوتتالۋشى كىناسىن ءىشىنارا مويىنداعان.
مەملەكەتتىك ايىپتاۋشى سوتتان جاسوسپىرىمگە 6 جىل 8 اي مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى. ال مارقۇمنىڭ جاقىندارى مورالدىق زياندى وتەۋدى تالاپ ەتتى.
بەستەرەكتەگى ءتورت بالانىڭ ولىمىنە سەبەپكەر بولعان جۇرگىزۋشى 9 جىلعا سوتتالدى
سوت جازا تاعايىنداۋ كەزىندە سوتتالۋشىنىڭ كامەلەتكە تولماعانىن, ىستەگەن ارەكەتىنە وكىنەتىنىن جانە جاعىمدى مىنەزدەمەلەرىن ەسكەرىپ, جەڭىلدەتەتىن ءمان-جايلار رەتىندە تانىدى. اۋىرلاتاتىن ءمان-جايلار انىقتالعان جوق.
قولدانىستاعى زاڭناماعا سايكەس, مۇنداي قىلمىس ءۇشىن 8 جىلدان 12 جىلعا دەيىن باس بوستاندىعىنان ايىرۋ جازاسى كوزدەلگەن. الايدا كامەلەتكە تولماعاندارعا قاتىستى ارنايى نورمالار قولدانىلىپ, جازا ەڭ تومەنگى شەكتە بەلگىلەندى.
سوت ۇكىمىمەن ر. كىنالى دەپ تانىلىپ, 6 جىل 8 اي مەرزىمگە باس بوستاندىعىنان ايىرىلدى. سونىمەن قاتار, سوت سوتتالۋشىنىڭ زاڭدى وكىلدەرىنەن جابىرلەنۋشى تاراپتىڭ پايداسىنا 10 ميلليون تەڭگە كولەمىندە مورالدىق زيان ءوندىرۋدى مىندەتتەدى.ۇكىم ازىرگە زاڭدى كۇشىنە ەنگەن جوق.
