فوتو: ruh.kz
تۋريزم جانە سپورت مينيسترلىگىنىڭ مالىمەتىنشە, 2026 جىلعا ارنالعان 20 ءوڭىر − 55 تۋريستىك ءىس-شارالار كۇنتىزبەسى بويىنشا, وڭىردە ناۋرىز ايىندا «امال كەلدى – جىل كەلدى» ەتنومادەني فەستيۆالى, تامىز ايىندا «كاسپي – دوستىق تەڭىزى» حالىقارالىق تۋريستىك فەستيۆالى جانە بىلتىر باستاۋ العان «Aq maya» اۋقىمدى شۇبات فەستيۆالى بەلگىلەنگەن.
تۋريستىك كۇنتىزبە ىشكى ءتۋريزمدى دامىتۋعا, باعىتتاردى كەڭەيتۋگە جانە وڭىرلىك برەندتەردى ىلگەرىلەتۋگە ارنالعان. وندا ءتۇرلى باعىتتاعى ءىس-شارالار قامتىلىپ, تۋريستەرگە ساپاردى الدىن الا جوسپارلاۋعا مۇمكىندىك بەرەدى.
اتالعان كۇنتىزبە مەملەكەت باسشىسىنىڭ 2025 جىلعى 14 ناۋرىزدا بۋرابايدا وتكەن ۇلتتىق قۇرىلتاي وتىرىسىندا جۇكتەگەن تاپسىرمالارىن ورىنداۋ شەڭبەرىندە ازىرلەنگەن.
سونداي-اق تۋريستەر ءۇشىن قولايلى بولۋ ماقساتىندا ازىرلەنگەن event.qaztourism.kz ۆەب-پلاتفورماسى ارقىلى ءىس-شارالاردى كۇنى, ءوڭىرى, ساناتى جانە اۋقىمى بويىنشا جىلدام ءارى ىڭعايلى تاڭداۋعا بولادى.
ماڭعىستاۋ وبلىسى شەتەلدىك تۋريستەردى ەڭ كوپ تارتاتىن وڭىرلەردىڭ ۇشتىگىنە ەندى
