فوتو: اشىق دەرەككوز
DW اقپارات اگەنتتىگىنىڭ مالىمەتىنشە, بارلاۋ ميسسياسى دانيانىڭ شاقىرۋىمەن 15-17 قاڭتار كۇندەرى وتەدى.
«بارلاۋ ميسسياسى وڭىردەگى قاۋىپسىزدىكتى قامتاماسىز ەتۋ ماقساتىندا جاسالادى. تەڭىزدى باقىلاۋ سالاسىندا دانيانى قولداۋعا باعىتتالعان اسكەريلەردىڭ قاتىسۋ مۇمكىندىكتەرى تەكسەرىلەدى», دەپ ءتۇسىندىردى ۆەدومستۆو.
گەرمانيا اتىنان ميسسياعا 13 اسكەري قىزمەتكەر قاتىسادى. نورۆەگيا تاراپىنان ەكى سارباز جىبەرىلەدى, بۇل تۋرالى ەلدىڭ قورعانىس ءمينيسترى تورە سەندۆيك مالىمدەدى. شۆەتسيا پرەمەر-ءمينيسترى ۋلف كريستەرسسوننىڭ ايتۋىنشا, شۆەتسيادان دا ارالعا بىرنەشە وفيتسەر اتتانادى.
Bild باسىلىمىنىڭ جازۋىنشا, بۇل ميسسيانى دانيا ۇيلەستىرەدى, ياعني وپەراتسيا اقش-تىڭ كەلىسىمىنسىز جۇرگىزىلىپ وتىر. سوڭعى كۇندەرى اقش بيلىگى گرەنلاندياعا قاتىستى اۋماقتىق تالاپتاردى قايتا ايتا باستاعان بولاتىن.
بۇعان دەيىن دانيا پارلامەنتىنىڭ مۇشەسى كوپەنگاگەن گرەنلانديانى ءتىپتى يادرولىق قارۋ قولدانۋ قاۋپى تونسە دە بەرمەيتىنىن ايتقان ەدى.
