قاراعاندىدا قىزدى پارشەلەپ ولتىرگەن جىگىت وقيعا جايىن ايتىپ بەردى

قاراعاندى. 12 مامىر. قاراعاندىدا 6 مامىردان بەرى جوق بولىپ كەتكەن قىزدى بولشەكتەپ ولتىرگەن جىگىت قۇقىق قورعاۋ ورگاندارى قىزمەتكەرلەرىنە وقيعانىڭ جاي-جاپسارىن ايتىپ بەردى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سىلتەمە جاساعان egemen.kz ءتىلشىسى حابارلادى. «25 جاستاعى قاراعاندىلىق قىزدى قاتىگەزدىكپەن ولتىرگەن جىگىت وقيعانىڭ جاي-جاپسارىن ايتتى», - دەلىنگەن حابارلامادا. ايتا كەتەيىك, قاراعاندى قالاسىندا تۇراتىن اياۋلى سۇلەيمەنوۆا 6 مامىر كۇنى اياق استىنان جوق بولىپ كەتەدى. بۇدان كىپى العان تۋىستارى الەۋمەتتىك جەلى ارقىلى جۇرتقا حابار بەرىپ, اياۋلىنى ىزدەستىرۋگە كومەك سۇرايدى. جوعالعان قىزدىڭ حابارى تەك ءۇش كۇننەن كەيىن عانا شىعادى. جۇرت جەڭىس كۇنى مەيرامىن  تويلاپ جاتقان كەزدە قىزدىڭ جۇك شابادانعا بولشەكتەلىپ سالىنعان ءمايىتى جەرگىلىكتى مەكتەپتىڭ اۋماعىنداعى قۇدىقتان تابىلادى. قاراعاندى قالالىق ىشكى ىستەر دەپارتامەنتى ءباسپاسوز قىزمەتىنىڭ حابارلاۋىنشا, سول 9 مامىر كۇنى سۇلەيمەنوۆانى ولتىرگەن دەگەن كۇدىكپەن وساكار اۋدانىنىڭ 20 جاسار تۇرعىنى ەرجان تىراەۆ ۇستالادى. ول حقو قىزمەتكەرى اياۋلى سۇلەيمەنوۆانىڭ 3 بولمەلى پاتەرىندەگى ءبىر بولمەنى جالعا الىپ تۇرعان. تەكسەرە كەلگەندە, جىگىتتىڭ كوللەدج وقۋشىسى ەكەنى دە بەلگىلى بولدى. جۋىردا ول مولودەجنوە ەلدى مەكەنىنە وندىرىستىك تاجىريبەدەن وتۋگە جىبەرىلگەن ەكەن . ءۇي يەسىمەن جانجال تۋاتىن 6 مامىر كۇنى ەرجانتىراەۆ اياۋلىعا بولمەنى جالعا الىپ تۇرعانى ءۇشىن 3 مىڭ تەڭگەنى بەرىپ, بۇكىل مامىر بويى مولودەجنوەدا بولاتىنىن ايتىپ, جالعا الۋ اقىسىن تولىق 1 ايعا تولەمەيتىنىن ايتقان. وسىنىڭ سالدارىنان ءۇي يەسى مەن جىگىتتىڭ اراسىندا ۇرىس تۋادى. سونىڭ بارىسىندا ستۋدەنت ءۇي يەسىنىڭ باسىنا 2 رەت سوققى بەرەدى. سوققى قاتتى تيگەن اياۋلى جەرگە قۇلاپ ءتۇسىپ, بىردەن باقيلىققا اتتانىپ كەتەدى. مۇنى بايقاعان ەرجان تىراەۆ قىزدىڭ ءولى دەنەسىنەن قۇتىلماقشى بولعان. ول سۇلەيمەنوۆانىڭ ءمايىتىن بولشەكتەپ, شابادانىنا سالىپ, تىسقا الىپ شىعادى. بىراق ونى الىسقا اپارماي, سول ماڭداعى 16 مەكتەپتىڭ جانىنداعى جىلۋ قۇبىرىنىڭ قۇدىعىنا تاستاي سالادى. ال قىزدىڭ تۋىستارى ونىڭ ءمايىتىن تاپقان كەزدە ەرجانتىراەۆ جالعان وقيعانى قيىستىرىپ, ءبىراز وتىرىك ايتادى. ستۋدەنت اياۋلىعا ەر كىسىنىڭ كەلىپ, ونىڭ ەكەۋىن وڭاشادا قالدىرۋىن سۇراعانىن, ال ارتىنشا ۇيگە ورالعان كەزدە وندا ەشكىمنىڭ بولماعانىن باياندايدى. بىراق ءىستى جۇرگىزۋشى تەرگەۋشىلەر بۇل اقپاراتتىڭ ويدان شىعارىلعاندىعىن بىردەن بايقاعان. قازىر ەرجان تىراەۆقا قارسى قىلمىستىق ءىس قوزعالدى. ايقىن نەسىپباي. دەرەك: egemen.kz. سۋرەت: نوۆىي ۆەستنيك.