اقش ەلشىسىمەن كەزدەستى

كەشە پرەمەر-ءمينيستردىڭ ءبىرىنشى ورىنباسارى باقىت­­جان ساعىنتاەۆ جاڭادان تاعايىندالعان اقش ەلشىسى دجوردج كرولمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋ بارىسىندا قازاقستان مەن امەريكا قۇراما شتاتتارى اراسىنداعى ءتۇرلى سالالارداعى, ونىڭ ىشىندە ەكونوميكالىق جانە گۋمانيتارلىق سالالارداعى ىنتىماقتاستىق تۋرالى پىكىر الماسۋلار بولدى. ب.ساعىنتاەۆ ءوز كەزەگىندە مەملەكەت باسشىسىنىڭ باس­تاماسىمەن جۇزەگە اسىرىلىپ جاتقان 5 ينستيتۋتتىق رەفورما, «100 ناقتى قادام» ۇلت جوسپارىن جۇزەگە اسىرۋ بارىسى تۋرالى اڭگىمەلەدى. ءسويتىپ, اتالعان رەفورمالاردىڭ قازاقستان مەن اقش اراسىنداعى ارىپتەستىككە قوسىمشا سەرپىن بەرەتىنىن باسا ايتتى. ەكى تاراپ قازاقستاننىڭ ­دسۇ-عا مۇشە بولۋى رەسپۋبلي­كا­عا جاڭا ەكونوميكالىق كوك­جيەك اشاتىندىعىنا سەنىم ءبىلدىر­دى. وتاندىق كاسىپورىندار ءۇشىن شەتەلدىك نارىقتارعا شىعۋعا جول اشىلادى, ال تۇتىنۋشى­­­لار تاۋارلار مەن قىزمەتتەردى تاڭداۋدا كەڭ مۇمكىندىكتەرگە يە بولادى. ۇكىمەت باسشىسىنىڭ ءبىرىنشى ورىنباسارى اقش ەلشىسىن جاڭا قىزمەتكە تاعايىندالۋىمەن قۇت­تىقتاپ, ءوزارا ءتيىمدى قازاقستاندىق-امەريكالىق ىنتىماقتاستىقتىڭ ودان ءارى جالعاساتىندىعىنا ءۇمىت ارتاتىنىن جەتكىزدى.