بۇل جونىندە قازاقستان بوكس فەدەراتسياسى ءمالىم ەتتى.
بيىلعى جىلعى باستى دودانىڭ ءبىرى − ازيا ويىندارى. جاپونيادا 19 قىركۇيەك جانە 4 قازان ارالىعىندا وتەتىن قۇرلىقتىق باسەكەدە ەلىمىزدىڭ بىلعارى قولعاپ شەبەرلەرى دە سىنعا تۇسەدى.
سونداي-اق موڭعوليادا 28 ناۋرىز بەن 11 ءساۋىر ارالىعىندا ەرلەر مەن ايەلدەر اراسىندا ازيا چەمپيوناتى جالاۋىن كوتەرەدى.
ال جەلتوقسان ايىندا ساۋد ارابياسىندا جابىق عيماراتتاعى ازيا ويىندارى بولادى.
الەم كۋبوگىنىڭ كەزەڭدەرى ءساۋىر, ماۋسىم ايلارىندا برازيليا مەن قىتايدا وتسە, فينال قاراشا, جەلتوقساندا وزبەكستاندا بولادى دەپ جوسپارلانعان.
سەنەگال استاناسى داكار قالاسىندا 31 قازان جانە 13 قاراشا ارالىعىندا جاستار اراسىنداعى وليمپيادا ويىندارى, 3-16 شىلدەدە يندونەزيادا 19 جانە 23 جاسقا دەيىنگىلەر اراسىندا ازيا چەمپيوناتى وتكىزىلەدى.
شىلدە مەن تامىز ايلارىندا 19 جاسقا دەيىنگىلەر اراسىندا الەم چەمپيوناتى بولسا, 1-16 تامىز ارالىعىندا 15 جانە 17 جاسقا دەيىنگى جاسوسپىرىمدەر وزبەكستاندا باس قوسادى.
قازاقستاننىڭ 19 جاسقا دەيىنگى بوكسشىلارى 8-15 ناۋرىزدا تايلاندتا الەم كۋبوگىندە جۇلدەنى ساراپقا سالادى.
بۇعان دەيىن وتاندىق ۇزدىك 10 بوكسشى تۋرالى جاريالادىق.
