بۇل شەشىم رەسەيدىڭ ۋكرايناعا قارسى سوعىسى اياسىندا ەلدىڭ قورعانىس ساياساتىن قايتا قاراۋىمەن بايلانىستى.
فين بيلىگى ەندى جاياۋ اسكەرگە قارسى مينالاردى وندىرۋگە, ساقتاۋعا جانە پايدالانۋعا زاڭدى قۇقىق الادى. مۇنداي قادام رەسەيمەن شەكتەسەتىن 1300 شاقىرىمدىق مەملەكەتتىك شەكارانى نىعايتۋ قاجەتتىلىگىمەن ءتۇسىندىرىلدى.
سوڭعى جىلدارى قاۋىپسىزدىك قاتەرلەرىنىڭ كۇشەيۋىنە بايلانىستى فينليانديا بىرقاتار قورعانىس شارانى جۇزەگە اسىرىپ كەلەدى. اتاپ ايتقاندا, شىعىس شەكارادا شامامەن 200 شاقىرىم قورشاۋ سالۋ جوسپارلانعان, جەراستى ينفراقۇرىلىمى مەن ازاماتتىق قورعانىس پانالارى دامىپ جاتىر, اۋقىمدى اسكەري وقۋ-جاتتىعۋلار وتكىزىلىپ, حالىقتى ەۆاكۋاتسيالاۋ جوسپارلارى جاڭارتىلعان.
قازاقستان مەن فينليانديا پرەزيدەنتتەرى بىرلەسكەن مالىمدەمە قابىلدادى
ساراپشىلاردىڭ پىكىرىنشە, بۇل شەشىم ەۋروپاداعى قاۋىپسىزدىك احۋالىنىڭ تۇبەگەيلى وزگەرگەنىن كورسەتەدى. رەسەيمەن شەكارا ەندى ىنتىماقتاستىق ايماعى ەمەس, قورعانىس شەبى رەتىندە قاراستىرىلا باستادى.
