اقش قارۋلى كۇشتەرىنىڭ ورتالىق قولباسشىلىعى – CENTCOM مالىمەتىنشە, وپەراتسياعا قاتىستى شەشىمدى اقش پرەزيدەنتى دونالد ترامپ قابىلداعان. اسكەري سوققىلار سەنبى كۇنى «Hawkeye strike» («سۇڭقار سوققىسى») كودتىق اتاۋىمەن جۇرگىزىلگەن.
CENTCOM حابارلاۋىنشا, بۇل وپەراتسيا 13 جەلتوقساندا سيريادا امەريكالىق اسكەري قىزمەتكەرلەرگە قارسى جاسالعان, ادام ولىمىنە اكەلگەن شابۋىلعا جاۋاپ رەتىندە ۇيىمداستىرىلعان. سوققىلاردىڭ نەگىزگى ماقساتى – تەرروريستىك ينفراقۇرىلىمدى جويۋ جانە وڭىردەگى وداقتاس كۇشتەردىڭ قاۋىپسىزدىگىن قامتاماسىز ەتۋ.
ترامپ اقش-تىڭ مەكسيكاعا سوققى جاساۋعا دايىن ەكەنىن مالىمدەدى
– ءبىزدىڭ ۇستانىمىمىز وزگەرمەيدى: ەگەر سىزدەر ءبىزدىڭ اسكەري قىزمەتكەرلەرگە زيان كەلتىرسەڭىزدەر, ءبىز سىزدەردى قاي جەردە بولساڭىزدار دا تاۋىپ, جويامىز. ەشبىر جەر كەك قايتارۋدان قورعاي المايدى, – دەپ مالىمدەدى اقش ورتالىق قولباسشىلىعى.
اسكەري وپەراتسيا بارىسىندا اقش پەن ونىڭ سەرىكتەستەرى 90-عا جۋىق جوعارى دالدىكتەگى وق-ءدارىنى قولدانىپ, 35-تەن استام نىسانعا سوققى بەرگەن. وپەراتسياعا 20-دان استام اسكەري ۇشاق تارتىلعان. قازىرگى تاڭدا سوققى جاسالعان ناقتى ايماقتار مەن ىقتيمال ادام شىعىنى تۋرالى اقپارات جاريالانعان جوق.
اتالعان وپەراتسيا سيرياداعى تۇراقسىز جاعدايعا قاراماستان, حالىقارالىق كواليتسيانىڭ تەرروريزمگە قارسى كۇرەس باعىتىنداعى ارەكەتتەرىن جالعاستىرىپ وتىرعانىن كورسەتەدى.
ايتا كەتەيىك, اقش كاريب تەڭىزىندە 2 كەمەگە سوققى بەردى
