فوتو: اقوردا
ءبىز كوپتەگەن فورمات اياسىندا بايلانىس ورناتتىق. مادەنيەت سالاسىندا كەلىسىمدەرىمىز بار. ادامدار اراسىندا تىعىز قارىم-قاتىناس ورناعان. ساۋدا-ەكونوميكالىق ىنتىماقتاستىعىمىز وركەندەۋدە. بۇل ىقپالداستىقتى كەڭەيتە تۇسكەنىمىزگە جانە قارىم-قاتىناسىمىزدى نىعايتىپ جاتقانىمىزعا قۋانامىز. ءىس جۇزىندە بارلىق سالادا سەرىكتەسپىز دەپ سانايمىن. بۇگىندە بۇل ىنتىماقتاستىعىمىز بۇرىنعىدان دا جەدەل دامىپ كەلەدى. پرەزيدەنتتەر قاسىم-جومارت توقاەۆ پەن دونالد ترامپ ءوزارا تىعىز ءارى تۇراقتى قارىم-قاتىناس ورناتقان. پرەزيدەنت توقاەۆ قاراشا ايىندا ۆاشينگتونعا ساپارمەن باردى. تاياۋدا عانا پرەزيدەنت ترامپپەن تەلەفون ارقىلى اڭگىمەلەستى. جۋىردا قۇراما شتاتتارعا تاعى دا بارماق. اتالعان قارىم-قاتىناس الداعى ۋاقىتتا دا قارقىندى تۇردە دامي بەرەدى دەپ سەنەمىز.
الگىندە اتاپ وتكەنىمدەي, پرەزيدەنت توقاەۆ پەن ترامپ ۇدايى بايلانىستا, وتە ءجيى ديالوگ قۇرادى. الداعى ۋاقىتتا ولار تاعى جۇزدەسەدى. جاڭا عانا پرەزيدەنت قاسىم-جومارت توقاەۆپەن كەزدەسىپ, ەكىجاقتى بايلانىستارداعى باسىم باعىتتاردى تالقىلادىق.
بۇل رەتتە بىزگە پرەزيدەنت دونالد ترامپ تولىق قولداۋ كورسەتەدى. ەكى مەملەكەت باسشىسىنىڭ كومەگىمەن ءوزارا ىنتىماقتاستىعىمىزدى كەڭەيتۋگە اسا ىقىلاستىمىن. قازاقستان پرەزيدەنتىمەن جانە ونىڭ جانىنداعى ادامدارمەن وتە مازمۇندى, دوستىق راۋىشتە كەزدەسۋ ءوتتى. سونىمەن قاتار كەشە سىرتقى ىستەر مينيسترىمەن كەلىسسوز جۇرگىزدىم. الدىمىزدا كوپتەگەن جۇمىس كۇتىپ تۇر.
مەملەكەت باسشىسى اقش پەن بولگاريا ەلشىلەرىنەن سەنىم گراموتالارىن قابىلدادى
قاسىم-جومارت توقاەۆتىڭ جاقىندا ۆاشينگتونعا جاساعان ساپارىنىڭ قورىتىندىسىن ساۋدا-ەكونوميكا, مادەنيەت, قورعانىس جانە گۋمانيتارلىق سالالارداعى بايلانىسىمىزدى نىعايتۋعا, ەكى ەل حالقىنىڭ اراسىن جاقىنداتۋعا قولدانۋىمىز قاجەت. بۇل جۇمىس قازىردەن باستالادى.
رەسمي قىزمەتىمنەن بولەك, وتباسىممەن بىرگە وسىناۋ تاماشا ەلمەن جەتە تانىسقىمىز كەلەدى. قازاقستان حالقىمەن ارالاسىپ, ەلدىڭ مادەنيەتى مەن تىنىس-تىرشىلىگىن جاقىننان بىلۋگە نيەتتىمىز. وسى ەلگە كەلگەنىمىزگە شىن جۇرەكتەن قۋانىشتىمىز.
دجۋلي ستاففت,
اقش ەلشىسى
